Qaıǵyly oqıǵa keshe bolǵan. Polıseıler jasandy sý qoımasynan úsh balany alyp shyqty. Olar muz ústinde oınap júrgende juqa muz oıylyp, jetkinshekter abaısyzda sýǵa túsip ketken. Kól janynda balalar oınaıtyn alań bar.
«Kýáger áıeldiń aıtýynsha, balalar qatty qorqyp, baıbalam salǵan. Sol kezde bir er adam júgirip kelip, sýǵa sekirip, balalardy qutqarmaq boldy. Ol ýaqytta kýágerler polısııa men jedel járdemdi shaqyryp úlgergen bolatyn. Polıseıler sýǵa túsip ketken balalardyń barlyǵyn alyp shyǵyp, dárigerlerge tapsyrdy. Kóldiń tereńdigi – 2 metr», delingen habarlamada.
Alaıda aýdandyq aýrýhanaǵa jetkizilgennen keıin 2014 jáne 2013 jyly týǵan eki bala sýyq tıip qaza tapty. 2011 jyly týǵan bala dárigerlerdiń baqylaýynda. Jaǵdaıy ortasha aýyr. Sondaı-aq balalardy qutqarýǵa kúsh salǵan 1954 jyly týǵan azamat ta aýrýhanada jatyr.
