Sportshylardy ulttyq qurama sapyna irikteý maqsatynda uıymdastyrylyp otyrǵan sharanyń ashylý saltanatyna Aqparat jáne qoǵamdyq damý mınıstri, respýblıkalyq Qazaq kúresi federasııasynyń prezıdenti Dáýren Abaev qatysyp, balýandarǵa sáttilik tiledi.
Mınıstr óz sózinde tarıhy ulttyń ótkenimen sabaqtasyp jatqan kúrestiń damý kórsetkishterine toqtaldy. Osydan on jyldaı buryn qazaq kúresimen elimiz boıynsha 20 myńdaı adam aınalyssa, qazir olardyń qatary 116 myńǵa jetken. Bul ulttyq kúresti ulyqtaý baǵytynda júzege asyp jatqan jobalardyń jemisi.
Nur-Sultan, Almaty, Shymkent qalalary men elimizdiń barlyq oblysynan 500-ge jýyq sportshy jınalyp, 16 salmaq dárejesinde sheberlik baıqasatyn chempıonattyń alǵashqy beldesýleri 90, 100, 100 + kılo salmaqtaǵy balýandar arasynda ótti.
Jarystyń sońǵy kúni, 14 qarashada bozkilemge balýan qyzdarymyz shyǵady.
Murat JETPISBAEV,
«Egemen Qazaqstan»
Qyzylorda
