Mundaı derekter QMG-niń 2018 jylǵy Ornyqty damý týraly esebinde keltiriledi. Qujatta ulttyq kompanııanyń áleýmettik, ekonomıkalyq jáne ekologııalyq salalardaǵy qyzmeti týraly aqparat berilgen.
Esepke sáıkes, gazdy jaǵý kórsetkishi óndirilgen kómirsýtek shıkizatynyń 1000 tonnasyna 6 tonna deńgeıine sáıkes keledi. Bul Munaı jáne gaz óndirýshileriniń halyqaralyq qaýymdastyǵynyń ortasha álemdik kórsetkishinen 50%-ǵa tómen (ortasha kórsetkish – 12,1). Mundaı kórsetkishke qol jetkizý Prorva ken oryndary tobynda gazdy keshendi óńdeý qondyrǵysyn ornatýdyń arqasynda múmkin boldy. Nátıjesinde Prorva ken oryndaryndaǵy qondyrǵynyń iske qosylýyna baılanysty alaýdan shyǵatyn parnıktik gazdardyń tikeleı kólemi 80%-ǵa azaıyp, 41,5 myń tonnany qurady (2017 jyly 211,6 myń tonnany quraǵan). 2030 jylǵa deıin QMG kompanııalar toby turaqty IMG alaýlatyp jaǵý praktıkasyn tolyq toqtatýdy josparlap otyr.
Kompanııa jyl saıyn kádege jaratýdyń jańa nysandaryn salady, óndiristerdi qaıta jańartady, qubyrlar men ınfraqurylym qurylysyna ınvestısııalar salady. Mysaly, paıdalanýǵa berilgen Aqtóbe oblysyndaǵy Qojasaı ken ornynda gazdy keshendi óńdeý qondyrǵysy alaýlarda gazdy jaǵý mólsherin 173 mln m3-den 50 mln m3-ge deıin qysqartýǵa múmkindik beredi.
Budan basqa, kompanııa qorshaǵan ortany qorǵaýǵa qajetti resýrstardy bóledi, atap aıtqanda normatıvtik emıssııalar úshin salyq tóleýdi, tabıǵatty qorǵaý is-sharalaryna, saqtandyrýǵa, qorshaǵan ortany qorǵaý salasyndaǵy ótemaqy is-sharalaryna, qorshaǵan ortaǵa áserdi boldyrmaýǵa arnalǵan ınvestısııalarǵa jáne t.b. qamtıtyn ekologııalyq shyǵyndardy óteıdi.
