Komıtet tóraǵasy Murat Baqtııaruly, senatorlar Narıman Tóreǵalıev Rashıt Ákimov Aqmola oblysyna arnaıy saparmen baryp Nurly kósh kesheni turǵyndarymen kezdesip olardyń muń-muqtajymen tanysty.
Kókshetaý qalasy, Krasnyı Iаr aýyldyq okrýgi, Nurly kósh kesheni turǵyndary (276 otbasy, 1360 adam) kóbi shet elden tarıhı Otandaryna oralǵan qandastarymyz. Turǵyndar Senat depýtattaryna sapasyz salynǵan baspana máselesiniń on jyldan beri sheshimin tappaı kele jatqanyn aıta kelip, qabyrǵalary óte juqa, arasy qýys bolǵandyqtan, turǵyndar qysta tońyp aýyrýǵa shaldyqqandaryn ashyna aıtty.
«О́z qarajatymyzben jylda qanshama jóndeý jumystaryn jasaǵanymyzben úıler jylynbaıdy, sońǵy ýaqytta tóbesi, qabyrǵasy qulap, jóndeýge múldem kelmeıtin jaǵdaıǵa jetti. Úılerdiń kóbi apat jaǵdaıynda», - deıdi turǵyndar.
«Nurly kósh» baǵdarlamasymen, respýblıkalyq bıýdjet qarajaty esebinen salynǵan bul úıler 2010 jyly qańtarda paıdalanýǵa berilgen. Sol on jyldan beri turǵyndar tarapynan úılerdiń sapasyna qatysty shaǵymdar men narazylyqtar aıtylsa da sheshimin tappaı keledi.
Depýtattar úılerdi aralap kórip, jaǵdaıymen tanysyp, turǵyndardyń talap-tilekterin muqııat tyńdap, máseleni sheshý joldary qarastyrylatynyn aıtty.
