Konkýrsqa respýblıkanyń 3 oblysy men 2 qalasynan, atap aıtqanda Atyraý oblysynan 6, Aqtóbe oblysynan 4, Qyzylorda oblysynan 1, Mańǵystaý oblysynan 10 úmitker, sonymen qatar Nur-Sultan qalasynan 2, Almaty qalasynan 4 úmitker qatyspaq.
Qazaq eliniń tarıhyndaǵy boılaryna ózindik ún-áýen, yrǵaq-ıirim, oryndaýshylyq syr-sıpat, rýhanı aǵartýshylyq-qaıratkerlik t.b. alýan ónerdi syıdyra bilgen qaıtalanbas dara qubylys ıeleri – Adaıdyń jeti qaıqysynyń tarıhı, tulǵalyq rólin respýblıka kóleminde aıqyndap, rýhanı muralaryn jas oryndaýshylar arasynda keńinen nasıhattaý maqsatyndaǵy baıqaýǵa Qazaqstan Respýblıkasynyń eńbek sińirgen qaıratkeri, «Daryn» memlekettik syılyǵynyń laýreaty, dástúrli ánshi A.Qosanova, Qazaqstan Respýblıkasynyń Mádenıet qaıratkeri, ánshi, termeshi Á.Jumaǵalıev, Qazaqstan Respýblıkasynyń eńbek sińirgen qaıratkeri, dástúrli ánshi E.Rysqalı, QR Mádenıet salasynyń úzdigi, dástúrli ánshi A.Erimbetova, О́ner zertteýshi, jyrshy-termeshi A. О́teshov, jyrshy, kúıshi E.Emil syndy tanymal óner ıeleri qazylyq etpek.
