«Elorda búgingi ýaqytta sporttyq is-sharalar ortalyǵyna aınaldy. Qazir sport buqaraǵa qoljetimdi boldy. Sońǵy 5 jylda sport ǵımarattarynyń sany 119 nysanǵa artty. Barlyǵy 719 sport nysany (onyń ishinde sport saraılary – 4, jazyqtyq qurylǵylary – 324, basseınder – 23, sport zaldary – 215 jáne t. b.). Aıta keter bolsaq, jastar arasynda júgirý jáne velosport trendke aınaldy. Olardyń arasynda ásirese «Astana Bike» tanymal. Elordalyqtarǵa yńǵaıly bolý úshin qalada 1200-den astam velosıpedi bar 186 velostansııa ornatyldy. Jyl saıyn velojoldardyń uzyndyǵy artyp keledi, tek osy jyly 34 km qurady. Bul elimiz boıynsha eń jaqsy kórsetkish», – dedi Berik Marjyqpaev.
Budan basqa, ol Memleket basshysynyń tapsyrmasy boıynsha «100 Dene shynyqtyrý-saýyqtyrý kesheniniń» qurylysy aıasynda «Ilınka», «Kóktal 2», «О́ndiris», «Jeleznodorojnyı» turǵyn alaptarynda 4 dene shynyqtyrý-saýyqtyrý kesheniniń qurylysy josparlanǵanyn aıtyp, olar 2021 jyly aıaqtalatynyn jetkizdi.
