Telehıkaıanyń tusaý keseri 25 qarashada «Habar» telearnasynda bolady.
Sıýjet jelisine óz ómirlerin áskerı qyzmetke, Otanyn qorǵaýǵa arnaýǵa berik sheshim qabyldaǵan Berik, Qanat,Erlan jáne Madına esimdi jas ofıser-ushqyshtar arqaý bolady.
Ár keıipkerdiń óz taǵdyry bar. Qanat – áskerı áýletten. Ákesi de ushqysh bolǵan, sondyqtan da ol ózine de, ózgelerge de áke izin jalǵastyrýǵa laıyqty ekenin dáleldeýge yntyq. Berik – baqýatty otbasynan shyqqan. Onyń ata-anasy – bıznesmender, balasynyń tańdaýyn quptamaıdy. Berikke bul aýyr bolǵanymen, kúnderdiń kúninde jaqyndary ony túsinip, maqtan tutatyn bolady dep armandaýmen júredi. Erlan – jazǵy akademııany úzdik támámdaǵan, aýyldan shyqqan qarapaıym jigit. Barlyq jerlesteri onyń jetistikterine tánti, al úıinde ony bolashaq jary kútýde. Madına – er adamdarǵa tán mamandyqty tańdaǵan, áriptes-jigitterden esh kem túspeıtin zamanaýı boıjetken, Ol ushqysh mamandyǵynyń shyńyn baǵyndyrǵysy keledi. Nemere kórýdi únemi armandap júrgen ákesi bastapqyda qyzynyń tańdaýyna qarsylyq tanytady.
Keıipkerlerdi ózge de jas ofıserlermen ushqyshtardy qaıta daıarlaý ortalyǵyna jiberedi. 3 aı kóleminde qatań irikteýden ótetin jıyrma adamnyń ishinen tek beseýi ǵana ushqyshtardyń elıtalyq tobyna ótý múmkindigineıe bola alady. Telehıkaıa bas keıipkerlerdiń ómirlik synaqtaryn, olardyń dostyq qarym-qatynastary men mahabbat sezimin, sondaı-aq Otanǵa degen shynaıy qurmetti kórsetedi.
