Aksııaǵa Ákimshilik polısııa basqarmasynyń, Jergilikti polısııa qyzmetiniń basshylyǵy, qyzmetkerleri qatysty. Shara departamenttiń resmı áleýmettik jelilerdegi akkaýnttary arqyly tikeleı efırde júrgizildi. Sondaı-aq, qoǵam belsendileri qatysyp, «Feısbýk» áleýmettik jelisi arqyly jeli paıdalanýshylardan tikeleı efırde kelip túsken suraqtarǵa jaýap berdi.
Sonymen qatar, A.Halmuradov, Aqtaý qalasy PB birinshi orynbasary Q.Aıǵarakov jáne ýchaskelik polısııa ınspektorlary Aqtaý qalasynyń turǵyndarymen kezdesip, respýblıkalyq «Aýlada qabyldaý», «Jolda qabyldaý» aksııalaryn jalǵastyrdy. Shara barysynda turǵyndardyń suraqtary men usynystaryna arnaıy taldaý júrgizgen polısııa qyzmetkerleri shaǵyn aýdanda halyqtyń qanshalyqty tyǵyz ornalasqandyǵyn, kóppáterli turǵyn úılerdiń sany men «Qaýipsiz aýla» qalalyq baǵdarlamasyn júzege asyrý kezindegi tájirıbe jaıynda túsindirme jumystaryn júrgizdi.
-Beınebaqylaý júıeleriniń damýy — zańbuzýshylyqtyń aldyn alýdyń eń tıimdi ádisi. Aýlalarda, ýı mańyna beınekamera ornatý - qaýipsizdikti qamtamasyz etedi. Beınekamera ornatylǵan shaǵyn aýdandarda qylmys sany, quqyqbuzýshylyq azaıǵan. Kameranyń mańyzdylyǵyn túsinip, bir aýyzdan qondyrýǵa usynys bergenderińiz - óz otbasyńyz ben qoǵamǵa jaýapkershilikpen qaraǵandyǵyńyz dep bilemiz, dedi Departament basshylyǵy.
Kópshiliktiń negizgi suraǵy aýlaǵa beınekamera qondyrý jóninde boldy. Ýchaskelik ınspektorlar beınebaqylaý júıesiniń tıimdiligin turǵyndarǵa naqty mysaldarmen ıaǵnı, qandaı qylmystardyń ashylǵanyn aıta otyryp túsindirdi.
Qysqa merzim ishinde Aqtaý qalasyndaǵy shaǵynaýdandar, ıaǵnı 12, 13,14,15, 22, 26, 27, 28, 29,31,32a, 29a, «Shyǵys» shaǵyn aýdandar men О́mirzaq eldimekenderinde ótken «Qaýipsiz aýla», «Jolda qabyldaý» jobalary óziniń tıimdiligin kórsetti.
