«5-20-25» baǵdarlamasy: 5%-ben turǵyn úı alýǵa jeńildikti nesıeni kim ala alady

Qoǵam • 18 Qarasha, 2019

«5-20-25» baǵdarlamasy: 5%-ben turǵyn úı alýǵa jeńildikti nesıeni kim ala alady

1570 ret kórsetildi

Úkimetiniń baspasóz ortalyǵynda ótken baspasóz konferensııasynda Indýstrııa jáne ınfraqurylymdyq damý mınıstri Qaıyrbek О́skenbaev jáne Qazaqstan «Qazaqstan Turǵynúıqurylysjınaqbanki» AQ basqarma tóraǵasy Lázzat Ibragımova «5-20-25» jańa turǵyn úı baǵdarlamasynyń krıterııleri men sharttary týraly aıtyp berdi. Bul týraly primeminister.kz habarlady.

Egemen Qazaqstan

Indýstrııa jáne ınfraqurylymdyq damý birinshi vıse-mınıstri Qaıyrbek О́skenbaev «5-20-25» baǵdarlamasynyń 25 jylǵa 20% bastapqy jarnasymen jyldyq 5%-ben ıpotekalyq zaım usynýdy qarastyratynyn aıtty. Bul baǵdarlama boıynsha turǵyn úı alýǵa áskerıler, memlekettik qyzmetkerler men bıýdjettik sala qyzmetkerleri úmitker bola alady.

«Árbir kezek sanattary boıynsha bólingen: kóp balaly analar, jetim balalar, múgedek balalardyń ata-analary, memlekettik qyzmetkerleri, bıýdjet salasynda isteıtinder t.b. Biraq sanattary boıynsha adamdardyń turǵyn úıge muqtajdyǵyn bilýge bolmaıdy. Memlekettik qyzmetkerler ár túrli.. Sondyqtan biz kezektegilerdi tabysy boıynsha bólýdi uıǵardyq», — dedi Q. О́skenbaev memlekettik qyzmetkerlerdiń jalaqysy laýazymyna baılanysty túrlishe bolatynyn atap ótip.

Máselen, otbasynyń árbir múshesine shaqqanda eń tómengi kúnkóris deńgeıiniń 3,1 deıingi tabysy bar sanattar úshin Turǵynúıqurylysjınaqbanki iske asyra bastaǵan tetik - «5-20-25» baǵdarlamasy boıynsha ákimdikter beretin turǵyn úı usynylady.

«Tabysy budan joǵary adamdar «7-20-25» baǵdarlamasyna nemese ekinshi deńgeıli bankterdiń baǵdarlamalaryna qatysýy kerek», — dep túsindirdi vıse-mınıstr. Bul rette jalaqysy joǵary memlekettik qyzmetkerlerdiń memleket sýbsıdııalaıtyn jeńildikti memlekettik baǵdarlamalarǵa qatysýǵa quqyǵy joq ekeni, men joǵaryraq shyǵyndy tetikti qoldanýy kerektigi atap ótildi.

L. Ibragımova osy turǵyn úı baǵdarlamasyna qatysý sharttary týraly tolyǵyraq aıtyp berdi.

«Shyn mánisinde, «5-20-25» formýlasy 2016 jyldyń jeltoqsan aıynan beri jumys isteıdi. Biz Turǵynúıqurylysjınaqbanki retinde bul formýla boıynsha 20% kóleminde bastapqy jarna bolǵan jaǵdaıda jyldyq 5% mólsherlemesimen nesıe beremiz. Baǵdarlama iske asyrylǵannan beri biz jalpy somasy 150 mlrd teńgege 19 800 zaım berdik. Bul rette bıýdjetten 93 mlrd teńge bólindi. 57 mlrd — qaıtarymdy resýrstar nemese turǵyn úı baǵasynan 50% jınaǵan adamdardyń resýrstary boldy», — dedi ol.

Baǵdarlamaǵa qatysý krıterııleri:

● ákimdiktiń kezeginde turýy tıis;

● sońǵy 5 jylda menshiginde baspanasy bolmaýy tıis.

«Búgin Úkimet otyrysynda qosymsha 14 mlrd teńge qarajat bólý qarastyryldy. Suranys óte joǵary. Bul baǵdarlama sátti iske asyrylýda. Tek sońǵy jylda biz 6913 zaım berdik jáne qazir ony jalǵastyramyz», — dedi L. Ibragımova.

Q. О́skenbaev túsindirgendeı, bul baǵdarlama boıynsha turǵyn úıdiń bir sharty metri Nur-Sultan, Almaty, Shymkent, Aqtaý, Atyraý qalalarynda 180 myń teńgeni quraıdy, qalǵan óńirlerde — 140 myń teńge. Bul rette ol baǵdarlama iske asyrylǵan kezden bastap 5 jyl boıy turǵyn úıdiń sharshy metriniń quny ózgermegenin atap ótti.

«Bizdiń qurylys kompanııalary bul ýaqyt aralyǵynda qurylys kólemine yqpal etetin kóptegen qurylys materıaldarynyń baǵasy qymbattaǵany týraly aıtatyny túsinikti. Biraq, bul tetiktiń ózegi qaıtarymdylyǵyna negizdelgen. Iаǵnı, jergilikti atqarýshy organdar nesıe alady, oblıgasııalardy satady da 50%-ben Báıterek UBH AQ-dan aqsha alyp, turǵyn úı salady, bul qarajatty olar eki jyl ishinde qaıtarýy kerek. Bul qarajat qaıta jańa qurylysqa baǵyttalady. Biz úshin bizdiń salatyn turǵyn úılerimizdiń aınalymǵa túsip, aqshany qaıtarylýy óte mańyzdy, óıtkeni júıede jańa qurylysqa aqsha bolýy kerek. Nege biz qurylys qunyn arttyrmaımyz? О́tıkeni biz turǵyndardyń múmkindikterin eskeremiz», — dedi vıse-mınıstr.

Onyń aıtýynsha, eger turǵyn úı quny ortasha baǵasynan joǵary bolsa (180 myń teńge — Nur-Sultan, Almaty, Shymkent, Aqtaý, Atyraý qalalarynda, 140 myń teńge — basqa oblys ortalyqtarynda), onda jergilikti atqarýshy organdar sýbsıdııalar berý nemese basqa jumys túrleri boıynsha shyǵyndardy jabý joldarynqarastyrýy kerek, mysaly, salynyp jatqan úıge ınjenerlik kommýnıkasııalar júrgizý, abattandyrý t.b.

QR IIDM málimetteri boıynsha Qazaqstanda úsh jylda 30 myń nesıege beriletin turǵyn úı, 21 myń jalǵa beriletin turǵyn úı salynatynyn aıta keteıik, «Baqytty otbasy» baǵdarlamasy boıynsha 5 myń turǵyn úı beriledi kvazımemlekettik sektor 20 myńǵa jýyq turǵyn úı salady.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz