Jıynda sóz sóılegen kásipkerdiń biri «Qaljan-Qurylys» JShS dırektorynyń orynbasary Qýanysh Shúıishov kásiporynda bolǵan oqıǵaǵa qatysty janaıqaıyn jetkizip, prokýratýradan arasha suraǵan. Aıtýynsha, Mańǵystaý oblysy ekologııa departamenti atalǵan kásiporyndy ekologııalyq talaptardy oryndamaǵany úshin sotqa berip, lısenzııasynan aıyrýdy talap etken.
- «Qaljan-Qurylys» aıtarlyqtaı eshteńeni búldirgen joq, aıtylǵan eskertýdi qabyldap, kemshilikti joıdyq. Lısenzııadan aıyryp jumysty toqtatsa, qanshama adam jumyssyz qalady, dedi kásipker óz sózinde.
Kóp uzamaı bul másele boıynsha ýákiletti organ tez arada jaýap berdi. Mańǵystaý oblysy ekologııa departamenti oblystyq prokýratýranyń tapsyrmasyna sáıkes «Qaljan-Qurylys» JShS-ne qarasty polıgonda tekseris júrgizilgendigin jáne QR ekologııalyq zańnamalardyń óreskel buzylǵandyǵyn rastady.
Nátıjesinde kásiporynǵa QR Ákimshilik quqyq buzýshylyq týraly kodeksiniń úsh babymen, atap atap aıtqanda 328, 332 jáne 334 baptaryna sáıkes aıyppul salynǵan.
Sondaı-aq ekologııa departamenti tarapynan kásiporynnyń ekologııalyq qujattaryn suratý jáne polıgon qyzmetin toqtatý jóninde sotqa talap-aryz berilgen. Jaqyn kúnderi talap-aryz azamattyq tártipte sotta qaralatyn bolady.
