Sýrettiń astyna adamdardyń aty-jóni tóte jazýmen jazylyp, kimniń qandaı mindet atqaratyny jaıly da (gazettegi adam attary túpnusqadan ózgerissiz alyndy) aqpar berilipti:
- Redaktor Toǵjanuly Ǵabbas.
- Redaktordyń ádebı járdemshisi Dýlatuly Mirjaqyp.
- Basqarma hatshysy Begalyuly Ǵanı.
- Partııa jumysy bólimin basqarýshy Aısaryuly Ábdirahman.
- «Eńbekshi qazaqtyń» oqshaý sóz jazýshy Maılyuly Beıimbet.
- El hattaryn basqarýshy Segizbaıuly Amanǵalı.
- Keńes qurylysy bólimin basqarýshy Ahmetuly Ilııas.
- Sharýa bólimin basqarýshy Eshmuqametuly Merǵalı.
- Telegram habarlaryn basqarýshy Júsipuly Sapa.
- Retýsher Dáýletbaıuly Májıt.
- Ádebı buıranyń hatshysy Aǵaıdaruly Abdýlla.
- Zertteý buırasynyń hatshysy Elshibekuly Ahmet.
- Túngi redaktor Ilauly Ábil.
- Basqarma qyzmetkeri Qojahmetuly Shııap.
Joǵaryda berilgen adamdardyń aty-jón tizimi olardyń laýazymdyq mindetine qaraı jazylǵany baıqalady. Keıin zertteýshi Tilekqabyl Boranǵalıuly mundaǵy adamdardy otyrǵan retine qaraı (soldan ońǵa) anyqtap shyǵypty:
Birinshi qatarda: Amanǵalı Segizbaev, Abdolda Aǵaıdarov, Ahmetsafa Iýsýpov.
Ekinshi qatarda: Ǵalı Begalıev, Ábdirahman Aısarın, Ǵabbas Toǵjanov (redaktor), Mirjaqyp Dýlatov, Beıimbet Maılın, Ilııas Ahmetov.
Úshinshi qatarda: Májıt Dáýletbaev, Ahmet Elshibekov, Merǵalı Eshmuhambetov, Ábil Ilııasov, Shııap Qojahmetov.
Osyndaǵy tulǵalardyń ómir-tarıhy jaıly az-kem tolǵar bolsaq, jýrnalıstik jolyn 1920 jyly «Ushqyn» gazetinde redaksııa alqasynyń múshesi bolyp bastaǵan Ahmetsafa Júsipuly (Iýsýpov) 1931 jyly atalsa, redaktor Ǵ.Toǵjanov, M.Dýlatov, B.Maılın, Á.Aısarın, I.Ahmetov, M.Dáýletbaev bastaǵan qalamgerler 1937-1938 jylǵy qandy qasaptyń qurbany bolypty. Tiri qalǵan Amanǵalı Segizbaev sııaqty birli-jarym azamattar soǵystan qaıtpaǵan kórinedi.
