Jıyndar áskerı bólimderdiń aýmaqtarynda on kún boıy ótti. Oǵan Qurlyq áskerleriniń 1500-ǵa jýyq ofıserleri men serjanttary qatysty.
Komandırlik daıarlyq jıyndarynyń barysynda olar kúndelikti áskerı ómirdegi is-sharalardy sapaly uıymdastyrý, áskerı qyzmettiń qaýipsizdiligin qamtamasyz etý, ádistemelik, atys jáne taktıkalyq daıarlyqtardy jaqsartý máselelerin qarastyryp shyqty.
Is-sharanyń basty maqstattarynyń biri – vzvod komandırleriniń oryn alǵan jaǵdaıdy tez-arada óz betimen saraptaý, sheshim qabyldaý, baǵynyshty jeke quramǵa jaýyngerlik buıryq berý, jaýyngerlik jáne grafıkalyq qujattarmen jumys jasaý, sheshim qabyldaýǵa qajetti esepterdi júrgizý, jaýyngerlik qımyldardy josparlaý qabilettikterin jetildirý boldy.
Jıyndardy sapaly dárejede uıymdastyrý maqsatynda áskerı bólim basqaramasy, batalon jáne dıvızıon komandırleri sanatynan tájirıbeli ofıserler jumyldyryldy.
-Jıyn barysynda bizder oqý jylynyń barysynda, kúndelikti ómir men jaýyngerlik daıarlyq úrdisindegi oryn alǵan daýly máselelerdi, naqty sheshimi joq suraqtardyń barlyǵyn jan-jaqty qarastyryp, qajet jaýaptardyń barlyǵyn ala aldyq. Bul jıynnyń jas komandırlerdiń tájirıbe almasyp, ujymnyń kúsh jumyldyryp qyzmet jasaýyna múmkindik bergen alań retinde kóp septigi tıedi degen oıdamyn, deıdi «Batys» óńirlik qolbasshylyǵy 41433 áskerı bóliminiń vzvod komandıri leıtenant Azamat Nurǵazıev.
Vzvod komandırleri taktıkalyq, dene, arnaıy, tyldyq jáne atys daıyndyqtary, sonymen qosa jedel basqarý sabaqtarynan teorııalaryq, al baılanys pen topografııa boıynsha praktıkalyq synaqtar tapsyrdy.
Búgingi tańda elimizdiń Qarýly Kúshterinde tárbıeshilermen qatar jeke qurammen jumys jasaýda kúrdeli tapsyrmalar júktelgen komandırlerdiń róli nyǵaıyp kele jatqanyn aıta ketken jón. Áskerlerde vzvod komandıri óziniń shaǵyn ǵana áskerı ujymynda oqý úderisin uıymdastyrady. Beıbit jáne soǵys ýaqytynda ol vzvodtyń jaýyngerlik ázirligine jáne olardyń jaýyngerlik tapsyrmalardy sátti oryndaýyna, jaýyngerlik daıarlyqqa, tárbıege, jeke quramnyń áskerı tártibi men moraldyq-psıhologııalyq jaǵdaıyna, sondaı-aq qarý-jaraqtyń, áskerı tehnıkanyń saqtalýy men jaı-kúıine jaýap beredi. Vzvod komandıri baǵynystylardy jeke oqytyp-úıretedi jáne olardy tárbıeleıdi, olardyń turmys-tirshiligin ári qamyn oılaıdy.
