Búgingi kúnde Memlekettik korporasııa azamattarǵa 648 (89,6%) memlekettik qyzmet túrin kórsetedi. Aǵymdaǵy jyldyń 10 aıy kóleminde 24 mln-nan astam memlekettik qyzmet kórsetilse, azamattardy elektrondyq qyzmetterge oqytý boıynsha aýqymdy jumystardyń nátıjesinde ótken jylmen salystyrǵanda Korporasııaǵa kelip alynatyn qyzmetter 4,1 mln-ǵa azaıdy. Áleýmettik zertteý nátıjesinde halyqtyń qanaǵattaný deńgeıi – 85,7 % qurady.
«Respýblıka boıynsha 16 mamandyrylǵan ortalyq pen 86 sektor jumys isteıdi, 10 aıda 2 mln-nan asa qyzmet túri kórsetildi, júrgizýshi kýáligin berý boıynsha 32% jýyq qyzmet (111 myń) onlaın formatta alyndy. 1 shildeden bastap Ishki ister mınıstirliginiń aqparattyq júıelerdi ıntegrasııalaýynyń arqasynda, júrgizýshi kýáligin alý men avtokólikti qashyqtyqtan tirkeýdiń jańa bıznes-prosess iske qosyldy», — dedi Á. Baltasheva.
Memlekettik korporasııa tóraıymynyń aıtýynsha, sheteldik azamattarǵa qyzmetterdi jeńildetý úshin 17 kóshi-qon ortalyǵy jumys jasaıdy. Aǵymdaǵy jylda 246 myń qyzmet kórsetilgen. Prosess 5 kúnnen 1 saǵatqa qysqardy. Ishki ister mınıstirligimen birge memlekettik qyzmetterdi jetildirý jalǵastyrylady.
Sonymen qosa, «Sıfrlyq Qazaqstan» memlekettik baǵdarlamasyna sáıkes «Zerde» holdıngi jergilikti atqarýshy organdarmen birlesip, sıfrlyq saýattylyqqa oqytý kýrstaryn ótkizip jatyr. 2019 jyly 664 myń kásibı maman jáne 532 myń azamat oqytyldy, onyń ishinde 78 myńnan asa áleýmettik osal toptardyń azamattary oqytyldy.
«Turǵyndarǵa EGOV portalyn úıretý jumysy – Korporasııanyń tikeleı mindeti. Bul maqsatta bizdiń ózine-ózi qyzmet kórsetý sektorlary men sıfrlyq HQKO-lardy atap ótý qajet. Turǵyndardyń sıfrlyq saýattylyǵyn arttyrý úshin front-ofısterdi jańadan transformasııalaý júrgizildi, ıaǵnı ortalyqtardyń 60%-y – ózine-ózi qyzmet kórsetý sektory, qalǵan 40% – operatorlardyń jumys oryndary», — dep túsindirdi Á. Baltasheva.
Barlyq óńirlerde «Connection point» sektorlary 13 mln-nan asa azamattarǵa túsindirý jumystaryn júrgizdi. О́tken jylmen salystyrǵanda, keńes berýler sany 3 mln qyzmetke artty.
Sonymen qatar, «Qaltadaǵy HQKO» konsepsııasyn ilgeriletý úshin front-ofısterde mobıldi tirkeý sektorlary jumys isteıdi, onda turǵyndar Mobıldi azamattar bazasyna tirkeledi jáne áleýmettik jelilerdegi Chat-bottar, Egov, Mgov mobıldi qosymshalaryn ornatýdy jáne olar arqyly qyzmet alýdy úıretýde kómek kórsetiledi.
«Búginde 7 mln asa paıdalanýshy mobıldi azamattar bazasynda tirkeldi, 645 myńnan astam azamat telegram-botty, eGov mobile jańa mobıldik qosymshasyn 205 myń azamat júktep aldy», — dedi ol.
Sonymen qatar, elektrondyq qyzmetterdi alý daǵdylary boıynsha 18 sıfrlyq HQKO engizildi, ıaǵnı elektrondyq qyzmetterdi operatorsyz óz betinshe alyp oqytýǵa synyptary bar.
Halyqty oqytý boıynsha 73 myńnan astam semınar ótkizilip, onyń ishinde 29 myńyn sıfrlyq ortalyqtarda jáne 44 myń adamdy jumys oryndarynda shyǵý toptary baryp oqytty, elektrondy qyzmetterdi (EGOV.KZ, Mgov, Chat-bottar) paıdalaný daǵdylaryna tereńinen oqytý boıynsha 1,3 mln astam sertıfıkat berildi.
