Al 2017 jyldyń 1 shildesinen bastap 2019 jyldyń 21 qarashasynan deıin Medısıanalyq saqtandyrý qoryna 230 mıllıard teńge túsken.
«Almaty qalasy burynǵydaı óńirlerdiń ishinde tólemder boıynsha kóshbasshylyqty ustap tur – bul qorǵa túsken qarajattyń besten birin quraıdy. Onyń ishinde MÁMS-ke Almatydan 1 mıllıon 421 myń adamǵa túsken jalpy soma 47,3 mıllıard teńgeni quraıdy. Tólemderdiń negizgi bóligin nemese 44,8 mıllıard teńgeni jumys berýshiler aýdaryp otyr», – dedi fılıal dırektory.
Sondaı-aq, ózin ózi jumyspen qamtyp otyrǵan 4900-den astam almatylyqtyń ózine quıǵan saqtandyrý tólemderiniń biryńǵaı jıyntyq somasy 16,7 mıllıon teńge bolǵan.
Eske sala ketý kerek, 2019 jyldyń qańtarynan bastap elde Biryńǵaı jıyntyq tólem engizilgen bolatyn. BJT, basqa da áleýmettik tólemderden basqa, ózine MÁMS tólemderin de kiriktire otyryp, tólemshilerge mindetti áleýmettik medısınalyq saqtandyrý júıesine qatysýǵa múmkindik beredi. Bul tólem tabys tabýǵa umtylǵan, biraq jaldamaly jumysshylardyń eńbegin paıdalanbaıtyn, jeke adamdardyń jumysyn istep nemese qyzmet kórsetetin jeke tulǵalar arasynda qarastyrylǵan. Tólem memlekettik deńgeıde mańyzdy qalalar men oblys ortalyqtarynda 1 AEK kóleminde, aýyl turǵyndary úshin 0,5 AEK quraıdy. Iаǵnı, Almaty qalasy úshin – 2 525 teńge.
Tileýhan Ábildaevtiń aıtýynsha, saqtandyrý júıesin engizýge baılanysty birqatar jumystar atqarylyp: normatıvtik-quqyqtyq baza jasaqtalyp, úsh deńgeıli medısınalyq qamtamasyz etý júıesi bekitilip, MÁMS-ti engizýge baılanysty aqparattyq júıeler daıyn bolǵan.
ALMATY
