Qazaqstandyq ken óndirýshi iri kásiporyndar jetkizý qyzmetine sheteldikterdi tańdaıdy. Sebebi otandyq taýarlardyń qajetti sertıfıkattary joq. О́ıtkeni shaǵyn jáne orta bıznes úshin sheteldik sertıfıkat alýǵa qalta kótermeıdi. Bul problemany sheshý úshin Ulttyq ekonomıka mınıstrligi jetkizýshilerdi damytý baǵdarlamasyn jasaýǵa bastama kótergen edi. Onyń basty maqsaty – shaǵyn jáne orta bıznes sýbektilerine munaıgaz, metallýrgııa jáne ken óndirý salalarynda isteıtin sheteldik jáne otandyq korporasııalar úshin sertıfıkattalýǵa jáne akkredıtasııalanýǵa kómek berý bolyp tabylady.
«Jetkizýshilerdi damytý baǵdarlamasy shartyna jaýap bere alatyn kompanııalardy sarapshylar tańdaıdy jáne halyqaralyq dárejede moıyndalǵan sertıfıkat alýy úshin olarǵa qarjylyq qoldaý kórsetiledi. Shyǵynnyń 70 paıyzy baǵdarlama qarjysy esebinen óteledi. Sonymen qatar osy baǵdarlama aıasynda áleýetti kontragenttermen kezdesýler uıymdastyrylady» dep túsindirdi oblystyq kásipkerler palatasynyń bólim basshysy Robert Iýsýpov.
Halyqaralyq sarpshylar oblystaǵy «Aventa plıýs», «Vagon jasaý zaýyty», «Mehlıtkom», «S.M.F.-SYSTEM» toqymasyz materıaldar fabrıkasy», «Azýrıt» «Bolshevıchka», «Rýdnyı sement zaýyty», «Evraz Kaspıan Stal» jaýapkershiligi shekteýli seriktestikterinde bolyp, ınspeksııalyq tekserýler ótkizdi. Kásiporyndardy baǵalaý jeltoqsan aıynyń aıaǵyna deıin júrgiziledi.
Qostanaı
