Aıtýly is-sharaǵa qoǵam qaıratkerleri, ultymyzdan shyqqan tuńǵysh geolog ǵalymnyń áriptesteri men shákirtteri qatysty. Basqosýda Patshaıym Tájibaevanyń dara joly týraly paıymdy oılar aıtylyp, onyń ǵylymǵa qosqan úlesi men jetistikteri, qoǵamdyq qyzmetterdegi tabysty eńbegi týraly baıandaldy.
«Patshaıym Tájibaevaǵa deıin jerasty baılyǵyn tasty ýatyp, soǵan qarap bilgen. Al bul kisi oǵan qanaǵattanbaı, Úkimetten kómek alyp, laboratorııa ashyp, geologııanyń lıtologııa degen salasyn qalyptastyrǵan. Ol geologııada revolıýsııa jasaǵan adam», – deıdi Memlekettik syılyqtyń laýreaty, jazýshy Sábıt Dosanov.
Ǵylymı konferensııa barysynda Patshaıym Tájibaevaǵa arnalǵan estelik kitaptyń tusaýy kesildi. Este bolsa, osyǵan deıin de ǵalymnyń ulan-ǵaıyr eńbegin nasıhattaǵan eki birdeı jınaq jaryq kórgen edi. Bul kitapta ǵalymnyń áriptesteri men shákirtteriniń pikirleri men estelikteri, ǵalymǵa arnaǵan óleń jyrlary, estelik-esseleri toptastyrylǵan.
ALMATY
