«Keshe Almatyda Balýan Sholaq atyndaǵy Sport saraıynda Tuńǵysh Prezıdent kúnine oraı Qazaqstan Respýblıkasynyń Mádenıet jáne sport mınıstrligi, Qazaq kúresi federasııasy men «Qazaqstan Barysy» qazaq kúresin damytý jáne qoldaý qorynyń uıymdastyrýymen qazaq kúresinen túıe palýandar arasynda «Álem barysy» absolıýtti álem chempıonaty ótti.
Osymen tórtinshi ret ótken básekede 30 elden 33 palýan baq synady.
Álemdik jarysta birinshi oryndy (10 mln teńge men altyn belbeý) reseılik palýan Roman Bobıkov qanjyǵasyna baılady.
Elimiz namysyn qorǵaǵan Aıbek Nuǵymarov ekinshi oryndy (6 mln teńge men kúmis belbeý), Maqsat Isaǵabylov úshinshi oryndy (3 mln teńge men qola belbeý) ıelendi.
«Jeńiske degen jigeri úshin» nomınasııasy ózbekstandyq Mýhsın Hısomýddınovke (1 mln teńge) buıyrdy», delingen habarlamada.
