Qolma-qol aqshasyz tólem jasaý 52 %-ǵa kóbeıdi

Qolma-qol aqshasyz operasııa­lardyń negizgi bóligi mobıldi bankıng pen POS-termınaldar arqyly júzege asyryldy. Jasalǵan opera­sııa­lardyń ortasha chegi 20 myń teńge shamasynda.

finreview.info habarlaǵandaı, bú­gingi tańda el azamattarynyń qolyn­da 31,2 mln tólem kartochkasy bar. Tólem kartochkalaryn 22 bank pen «Qazposhta» AQ shyǵarady. Halyq ara­synda VISA International men MasterCard Worldwide halyqara­lyq tólem júıeleriniń kartalary keń taralǵan. UnionPay International, American Express International jáne Diners Club International karta­laryna degen suranys olarmen salys­tyr­ǵanda aıtarlyqtaı tómen.   Otandyq ekinshi deńgeıli bankter de Altyn Card («Qazaqstan Halyq Banki» AQ), Sıtıbank Qazaqstan (Sıtıbank Qazaq­stan AQ) jáne Kaspi.kz (Kaspi Bank AQ) syndy jergilikti júıelerdiń tólem kartochkalaryn shyǵarady.

Sońǵy 10 jyl ishinde tólem kar­toch­kalarynyń sany jyl saıyn orta esep­pen 20,3%-ǵa, al ustaýshylar sany 17,7%-ǵa artyp keledi. Tek 2015 jyl men 2016 jyly ǵana álemdik eko­no­mı­kalyq daǵdarystyń salqyny qat­tyraq sezilgen tusta kartochka us­taýshy­lar­dyń qatary azaıǵany baıqalǵan.