Ulttyq sport • 05 Jeltoqsan, 2019

Qostanaıda toǵyzqumalaqtan oblystyq ashyq týrnır ótip jatyr 

51 ret kórsetildi

Qazaqstan Respýblıkasynyń eńbek sińirgen jattyqtyrýshysy, toǵyzqumalaqtan Qazaqstan Respýblıkasynyń tuńǵysh sport sheberi Dmıtrıı Polıakovtyń 90 jyldyǵy qurmetine toǵyzqumalaqtan ardagerler arasynda ashyq oblystyq týrnır ótip jatyr.

Oǵan qatysý úshin elimizdiń ár shalǵaıynan ýaqytynda Dmıtrıı Stepanovıchke qarsylas bolyp oınaǵan jıyrma shaqty zamandas toǵyzqumalaqshy keldi. Keshe týrnırdiń ashylý saltanaty boldy. Onda oblys ákiminiń orynbasary Ǵaýez Nurmuhambetov mereıtoı ıesin oblys ákimi Arhımed Muhambetovtyń atynan quttyqtap, denine saýlyq, otbasyna bereke tiledi. Syı-sııapatyn jasap, ıyǵyna qazaqtyń shapanyn japty. Sonymen qatar toǵyzqumalaq oıynynyń Qostanaı óńirinde qanat jaıýyna muryndyq bolǵan Dmıtrıı Polıakov aqsaqaldy Dúnıejúzilik toǵyzqumalaq federasııasynyń prezıdenti, memleket qaıratkeri Álıhan Báımenov arnaıy kelip quttyqtady.

«Haqymyzdyń ulttyq sport túriniń biri toǵyzqumalaq oıynyn qazir álemniń biraz elderi biledi. Halyqaralyq jarystar ótkiziledi. Jas urpaqqa munyń bereri mol. Osy oıyndy elimizde damytýǵa úlken úles qosqan sportshynyń biri ózińiz, Dmıtrıı Stepanovıch! Jasaı berińiz!» dedi Álıhan Báımenov.

90 jasqa sharshamaı jetken Dmıtrıı Stepanovıch te sóz sóılep, ótken kúnderden estelik aıtty, ózine kórsetilgen qurmetke alǵysyn bildirdi.

«1961 jyly Qaraǵandy oblysynan jasy jetpisten asqan qart qazaq bizge toǵyzqumalaq úıretti. Biz bir jyl jattyǵyp júrdik te, birden  respýblıkalyq chempıonatqa qatystyq. Bardyq ta, komandalyq esepte Qostanaı oblysynyń toǵyzqumalaqshylary birinshi oryndy jeńip aldy, al men chempıon boldym» dep eske aldy Dmıtrıı Stepanovıch. Ol sóziniń sońynda «100 jasymda ótetin týrnırdi kórgim keledi» dep ázildedi.

Ardagerler arasynda ótip jatqan oblystyq ashyq týrnır jeltoqsannyń 6 kúni qorytyndylanady. Jeńimpazdardy baǵaly syılyqtary kútip tur.

 

Názıra JÁRIMBET

QOSTANAI 

 

Sýret alau.kz saıtynan alyndy

Sońǵy jańalyqtar

«Nur-Sultan - Pavlodar» joly ashyldy

Aýa raıy • Búgin, 09:24

Adam janyn indetten arashalaǵan abzal jan

Aımaqtar • Búgin, 09:20

Teńge qymbattaıdy

Qarjy • Keshe

Qazaqstannyń qaı aımaqtarynda joldar ashyldy

Aımaqtar • 07 Naýryz, 2021

Italııada toǵyz júlde aldyq

Sport • 07 Naýryz, 2021

Jansaı Smaǵulov kúmis medaldi ıelendi

Sport • 07 Naýryz, 2021

Elimizde 568 adam koronavırýstan jazylyp shyqty

Koronavırýs • 07 Naýryz, 2021

Elimizde bir táýlikte qansha adam vırýs juqtyrdy

Koronavırýs • 07 Naýryz, 2021

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Uqsas jańalyqtar