Nursultan Nazarbaev dańǵylyndaǵy №39 (qala ákimdiginiń ǵımaraty) úıde ornalasqan jańa ǵımaratta kelissózder júrgizetin jáne azamattardy qabyldaýǵa arnalǵan ashyq bólme qarastyrylǵan. Mundaı jumys pishimi memlekettik qyzmetterdiń sapasy men qoljetimdiligin arttyrýǵa jáne sybaılas jemqorlyq táýekelderin tómendetýge múmkindik beredi.
Front-keńsede qala ákimi apparaty keńsesiniń, jer qatynastary, sáýlet jáne qala qurylysy, turǵyn úı qatynastary, memlekettik aktıvter men satyp alýlar, kásipkerlik jáne aýyl sharýashylyǵy bólimderiniń mamandary jumys isteıdi. Olar bul jerde turǵyndarǵa qajetti keńester beredi jáne olardyń qujattar toptamasyn qabyldap alady.
Sondaı-aq munda shynaıy ýaqyt rejiminde elektrondyq túrde memlekettik qyzmetterdi alýǵa jaǵdaı jasalǵan.
Front-keńsede open space pishiminde qala ákimi men onyń orynbasarlary azamattardy jeke máseleleri boıynsha qabyldaıtyn bolady.
Qaraǵandy oblysy
