2013 jylǵy 31 qańtar, Astana, Úkimet Úıi
«Qazaqstan Respýblıkasy Densaýlyq saqtaý mınıstrliginiń máseleleri» týraly Qazaqstan Respýblıkasy Úkimetiniń 2004 jylǵy 28 qazandaǵy № 1117 qaýlysyna ózgerister engizý týraly
«Qazaqstan Respýblıkasy memlekettik organynyń úlgi erejesin bekitý týraly» Qazaqstan Respýblıkasy Prezıdentiniń 2012 jylǵy 29 qazandaǵy № 410 Jarlyǵynyń 2-tarmaǵyn iske asyrý maqsatynda Qazaqstan Respýblıkasynyń Úkimeti qaýly etedi:
1. «Qazaqstan Respýblıkasy Densaýlyq saqtaý mınıstrliginiń máseleleri» týraly Qazaqstan Respýblıkasy Úkimetiniń 2004 jylǵy 28 qazandaǵy № 1117 qaýlysyna (Qazaqstan Respýblıkasynyń PÚAJ-y, 2004 j., № 49, 529-qujat) mynadaı ózgerister engizilsin:
1-tarmaqtyń 2) tarmaqshasy alynyp tastalsyn;
kórsetilgen qaýlymen bekitilgen Qazaqstan Respýblıkasy Densaýlyq saqtaý mınıstrligi týraly ereje osy qaýlyǵa qosymshaǵa sáıkes jańa redaksııada jazylsyn.
2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S. AHMETOV.
Qazaqstan Respýblıkasy Úkimetiniń 2013 jylǵy 31 qańtardaǵy №66 qaýlysyna qosymsha
Qazaqstan Respýblıkasy Úkimetiniń 2004 jylǵy 28 qazandaǵy № 1117 qaýlysymen bekitilgen
Qazaqstan Respýblıkasy Densaýlyq saqtaý mınıstrligi týraly ereje
1. Jalpy erejeler
1. Qazaqstan Respýblıkasy Densaýlyq saqtaý mınıstrligi azamattardyń densaýlyǵyn saqtaý, medısına jáne farmasevtıka ǵylymy, medısınalyq jáne farmasevtıkalyq bilim berý, halyqtyń sanıtarııalyq-epıdemıologııalyq salamattylyǵy, dárilik zattardyń, medısınalyq maqsattaǵy buıymdar men medısınalyq tehnıkanyń aınalysy, medısınalyq qyzmetterdiń sapasyn baqylaý salasynda basshylyqty júzege asyratyn Qazaqstan Respýblıkasynyń memlekettik organy bolyp tabylady.
2. Qazaqstan Respýblıkasy Densaýlyq saqtaý mınıstrligin mynadaı vedomstvolary bar:
1) Memlekettik sanıtarııalyq-epıdemıologııalyq qadaǵalaý komıteti;
2) Medısınalyq jáne farmasevtıkalyq qyzmetti baqylaý komıteti;
3) Medısınalyq qyzmetke aqy tóleý komıteti.
3. Qazaqstan Respýblıkasy Densaýlyq saqtaý mınıstrligi óz qyzmetin Qazaqstan Respýblıkasynyń Konstıtýsııasyna jáne zańdaryna, Qazaqstan Respýblıkasynyń Prezıdenti men Úkimetiniń aktilerine, ózge de normatıvtik quqyqtyq aktilerge, sondaı-aq osy Erejege sáıkes júzege asyrady.
4. Qazaqstan Respýblıkasy Densaýlyq saqtaý mınıstrligi memlekettik mekeme uıymdyq-quqyqtyq nysanyndaǵy zańdy tulǵa bolyp tabylady, memlekettik tilde óz ataýy bar móri men mórtabandary, belgilengen úlgidegi blankileri, sondaı-aq Qazaqstan Respýblıkasynyń zańnamasyna sáıkes qazynashylyq organdarynda shottary bolady.
5. Qazaqstan Respýblıkasy Densaýlyq saqtaý mınıstrligi azamattyq-quqyqtyq qatynastarǵa óz atynan túsedi.
6. Qazaqstan Respýblıkasy Densaýlyq saqtaý mınıstrliginiń eger zańnamaǵa sáıkes osyǵan ýákilettik berilgen bolsa, memlekettiń atynan azamattyq-quqyqtyq qatynastardyń tarapy bolýǵa quqyǵy bar.
7. Qazaqstan Respýblıkasy Densaýlyq saqtaý mınıstrligi óz quzyretiniń máseleleri boıynsha zańnamada belgilengen tártippen Qazaqstan Respýblıkasy Densaýlyq saqtaý mınıstriniń buıryqtarymen jáne Qazaqstan Respýblıkasynyń zańnamasynda kózdelgen basqa da aktilermen resimdeletin sheshimder qabyldaıdy.
8. Qazaqstan Respýblıkasy Densaýlyq saqtaý mınıstrliginiń qurylymy men shtat sanynyń lımıti qoldanystaǵy zańnamaǵa sáıkes bekitiledi.
9. Qazaqstan Respýblıkasy Densaýlyq saqtaý mınıstrliginiń ornalasqan jeri: 010000, Astana qalasy, Esil aýdany, Orynbor kóshesi, 8, Mınıstrlikter úıi, 5-kireberis.
10. Mınıstrliktiń tolyq ataýy – «Qazaqstan Respýblıkasy Densaýlyq saqtaý mınıstrligi» memlekettik mekemesi
11. Osy Ereje Qazaqstan Respýblıkasy Densaýlyq saqtaý mınıstrliginiń quryltaı qujaty bolyp tabylady.
12. Qazaqstan Respýblıkasy Densaýlyq saqtaý mınıstrliginiń qyzmetin qarjylandyrý respýblıkalyq bıýdjetten júzege asyrylady.
13. Qazaqstan Respýblıkasy Densaýlyq saqtaý mınıstrligine Mınıstrliktiń fýnksııalary bolyp tabylatyn mindetterdi oryndaý turǵysynda kásipkerlik sýbektilerimen sharttyq qatynastarǵa túsýge tyıym salynady.
Eger Qazaqstan Respýblıkasy Densaýlyq saqtaý mınıstrligine zańnamalyq aktilermen kirister ákeletin qyzmetti júzege asyrý quqyǵy berilse, onda osyndaı qyzmetten alynǵan kirister memlekettik bıýdjettiń kirisine jiberiledi.
2. Mınıstrliktiń mıssııasy, negizgi mindetteri, fýnksııalary, quqyqtary men m
