Qazaqstannyń delegasııasyn Syrtqy ister mınıstriniń orynbasary Roman Vasılenko basqarǵan. Qazaqstandyq dıplomat óz sózinde XXI ǵasyrda qabyldanǵan Uıymnyń birden-bir saıası qujaty – 2010 jylǵy EQYU Sammıtiniń Astana deklarasııasynda kórsetilgen ıdeıalar men prınsıpterdiń ózektiligin atap ótti.
Qazaqstandyq dıplomat áriptesterin Prezıdent Qasym-Jomart Toqaevtyń bastamasymen júzege asyrylyp jatqan jáne saıası, ekonomıkalyq jáne áleýmettik reformalardy qamtıtyn Qazaqstandaǵy transformasııa úderisteri týraly habardar etti.
R.Vasılenko ınklıýzıvti dıalogty jalǵastyrýdyń mańyzdylyǵyn, sondaı-aq janjaldardyń aldyn alýy men olarǵa birlesip tótep berý boıynsha EQYU múshe-memleketteriniń kelisilgen áreketterin júzege asyrýdyń mańyzdylyǵyn atap ótti. Osy turǵyda, EQYU-nyń qurylýyna jáne eýropalyq qaýipsizdiktiń qazirgi tańdaǵy qurylymyna negiz salǵan Helsınkı Qorytyndy Aktiniń qol qoıýynyń 45-jyldyǵyna, sondaı-aq Astana deklarasııasynyń qabyldaýynyń 10-jyldyǵyna baılanysty 2020 jyl Uıymǵa aıryqsha bolatynyna nazar aýdaryldy.
Eýrazııadaǵy qaýip–qaterlerge qarsy is-qımyl salasyndaǵy halyqaralyq uıymdardyń sınergııasyn damytý maqsatynda EQYU SIMK barysynda Tuńǵysh Prezıdent-Elbasy Nursultan Nazarbaevtyń «Úsh dıalog» tujyrymdamasy sheńberinde Azııadaǵy ózara yqpaldastyq jáne senim sharalary jónindegi keńesimen (AО́SShK) yntymaqtastyǵyn keńeıtý týraly bastamasy usynyldy. EQYU men AО́SShK kóp ortaq jáne qazirgi zamanǵy keshendi syn-qaterlerdi sheshýdiń uqsas tásilderin bólisetini atap ótildi, osyǵan baılanysty olardyń kúsh-jigeriniń sınergııasy ózara paıdaly bolady.
Aýǵanstandaǵy jaǵdaıdyń damýyna qatysty is-shara qatysýshylarynyń nazary aýdaryldy. 2019 jyly qazanda Nur-Sultan qalasynda QR SIM EQYU-men birlesip, halyqaralyq jáne aımaqtyq uıymdardyń joǵarǵy ókilderdiń qatysýymen «Aýǵanstan jáne EQYU: Áriptestik jáne yntymaqtastyq úshin múmkindikterdiń qurylýy» atty dóńgelek ústeldi uıymdastyrdy.
Qazaqstan áriptesterdiń EQYU-nyń ekinshi ólshemi ekonomıkalyq-ekologııalyq shıelenisti tómendetýdiń jáne EQYU-ǵa qatysýshy elder arasynda senim sharalaryn nyǵaıtýdyń katalızatory bolýy múmkin degen paıymdaýyn qoldaıdy. Osyǵan baılanysty Qazaqstan osy saladaǵy taldaýmen jáne zertteýlermen, úzdik tájirıbelermen almasýmen aınalysatyn turaqty ózara baılanys jónindegi EQYU Taqyryptyq ortalyǵyn qurý bastamasy boıynsha sóz sóıledi.
EQYU SIMK-niń plenarlyq otyrysy qarsańynda qazaqstandyq dıplomat Ujymdyq qaýipsizdik týraly shart uıymyna (UQShU) múshe memleketterdiń syrtqy saıası vedomstvolary basshylarynyń dástúrli kezdesýine qatysty, onyń barysynda taraptar EQYU SIMK-ge alty múshe memlekettiń jalpy qatysýy kontekstinde UQShU deńgeıinde birqatar qujattardy qabyldaýǵa kelisti.
