2013 jylǵy 4 naýryz, Astana, Úkimet Úıi
«Jolaýshylardy, bagajdy, júkter men poshta jóneltilimderin tasymaldaý jóninde qyzmetter kórsetý úshin avıamarshrýtqa arnalǵan konkýrs ótkizý jáne avıamarshrýttarǵa kýálikter berý qaǵıdalaryn bekitý týraly» Qazaqstan Respýblıkasy Úkimetiniń 2010 jylǵy 19 qarashadaǵy №1221 qaýlysyna ózgerister engizý týraly
«Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasynyń Zańy 13-babynyń 53) tarmaqshasyna sáıkes Qazaqstan Respýblıkasynyń Úkimeti qaýly etedi:
1. «Jolaýshylardy, bagajdy, júkter men poshta jóneltilimderin tasymaldaý jóninde qyzmetter kórsetý úshin avıamarshrýtqa arnalǵan konkýrs ótkizý jáne avıamarshrýttarǵa kýálikter berý qaǵıdalaryn bekitý týraly» Qazaqstan Respýblıkasy Úkimetiniń 2010 jylǵy 19 qarashadaǵy № 1221 qaýlysyna (Qazaqstan Respýblıkasynyń PÚAJ-y, 2011 j., № 2, 16-qujat) mynadaı ózgerister engizilsin:
taqyryby mynadaı redaksııada jazylsyn:
«Jolaýshylardy, bagajdy, júkter men poshta jóneltilimderin tasymaldaý jóninde qyzmetter kórsetý úshin halyqaralyq avıamarshrýttarǵa arnalǵan konkýrs ótkizý jáne halyqaralyq avıamarshrýttarǵa kýálikter berý qaǵıdalaryn bekitý týraly»;
1-tarmaq mynadaı redaksııada jazylsyn:
«1. Qosa berilip otyrǵan Jolaýshylardy, bagajdy, júkter men poshta jóneltilimderin tasymaldaý jóninde qyzmetter kórsetý úshin halyqaralyq avıamarshrýttarǵa arnalǵan konkýrs ótkizý jáne halyqaralyq avıamarshrýttarǵa kýálikter berý qaǵıdalary bekitilsin.»;
kórsetilgen qaýlymen bekitilgen Jolaýshylardy, bagajdy, júkter men poshta jóneltilimderin tasymaldaý jóninde qyzmetter kórsetý úshin avıamarshrýtqa arnalǵan konkýrs ótkizý jáne avıamarshrýttarǵa kýálikter berý qaǵıdalary (budan ári – Qaǵıdalar) osy qaýlyǵa qosymshaǵa sáıkes jańa redaksııada jazylsyn.
2. Osy qaýly 2013 jylǵy 1 qyrkúıekten bastap qoldanysqa engiziletin Qaǵıdalardyń 9-tarmaǵynyń 4) tarmaqshasyn, 18-tarmaǵynyń 12) tarmaqshasyn jáne 2015 jylǵy 1 qańtardan bastap qoldanysqa engiziletin Qaǵıdalardyń 9-tarmaǵynyń 12) tarmaqshasyn, 18-tarmaǵynyń 17) tarmaqshasyn qospaǵanda, alǵashqy resmı jarııalanǵan kúninen keıin kúntizbelik jıyrma bir kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 4 naýryzdaǵy №208 qaýlysyna qosymsha
Qazaqstan Respýblıkasy Úkimetiniń 2010 jylǵy 19 qarashadaǵy №1221 qaýlysymen bekitilgen
Jolaýshylardy, bagajdy, júkter men poshta jóneltilimderin tasymaldaý jóninde qyzmetter kórsetý úshin halyqaralyq avıamarshrýtqa arnalǵan konkýrs ótkizý jáne halyqaralyq avıamarshrýttarǵa kýálikter berý qaǵıdalary
1. Jalpy erejeler
1. Osy Jolaýshylardy, bagajdy, júkter men poshta jóneltilimderin tasymaldaý jóninde qyzmetter kórsetý úshin halyqaralyq avıamarshrýtqa arnalǵan konkýrs ótkizý jáne halyqaralyq avıamarshrýttarǵa kýálikter berý qaǵıdalary (budan ári – Qaǵıdalar) halyqaralyq avıamarshrýtta jolaýshylardy, bagajdy, júkter men poshta jóneltilimderin turaqty áýede tasymaldaýdy oryndaý quqyǵyna avıakompanııalar úshin konkýrs ótkizý tártibin, konkýrsqa qatysýshylarǵa qoıylatyn biliktilik talaptaryn, jolaýshylardy, bagajdy, júkter men poshta jóneltilimderin tasymaldaý jóninde qyzmetter kórsetý úshin halyqaralyq avıamarshrýttarǵa arnalǵan kýálikti berý tártibin aıqyndaıdy.
2. Konkýrs jolaýshylardy, bagajdy, júkter men poshta jóneltilimderin tasymaldaý jóninde qyzmetter kórsetý úshin halyqaralyq avıamarshrýtarǵa avıakompanııa aıqyndaý maqsatynda ótkiziledi.
3. Qazaqstan Respýblıkasy Kólik jáne kommýnıkasııa mınıstrliginiń Azamattyq avıasııa komıteti (budan ári – ýákiletti organ) halyqaralyq avıamarshrýttarǵa konkýrs ótkizýdiń uıymdastyrýshysy bolyp tabylady.
4. Konkýrsqa osy Qaǵıdalarda belgilengen biliktilik talaptaryna sáıkes keletin avıakompanııa qatysa alady.
5. Konkýrsqa shyǵarylatyn árbir avıamarshrýt jeke lot bolyp tabylady.
6. Konkýrstyq qujattamany qalyptastyrý kezinde tasymaldaýshylardyń, ruqsat etilgen jıilikterdiń, avıamarshrýtta tasymaldaý syıymdylyǵynyń sany boıynsha úkimetaralyq kelisimder talaptary eskeriledi.
7. Eger konkýrsqa shyǵarylatyn halyqaralyq avıamarshrýtqa konkýrs talaptaryna jaýap beretin keminde eki konkýrsqa qatysýshy ótinim berse, osy Qaǵıdalardyń 37-tarmaǵynda kózdelgen jaǵdaılardy qospaǵanda, konkýrs ótti dep tanylady.
8. Konkýrs jeńimpazy (jeńimpazdary) jolaýshylardy, bagajdy, júkter men poshta jóneltilimderin tasymaldaý jón
inde qyzmetter kórsetý úshin halyqaralyq avıamarshrýtqa kýálik (budan ári – halyqaralyq avıamarshrýtqa kýálik) alady.
2. Halyqaralyq avıamarshrýtqa konkýrsqa qatysýshylarǵa qoıylatyn biliktilik talaptary
9. Konkýrsqa qatysýǵa mynadaı biliktilik talaptaryna jaýap beretin avıakompanııalarǵa jol beriledi:
1) Qazaqstan Respýblıkasynda tirkelýi jáne paıdalanýshy sertıfıkatyn ıelenýi;
2) birdeı jolaýshylar syıymdylyǵyna jatatyn sany keminde bes áýe kemesinen turatyn áýeparkiniń bolýy (jeke menshiginde nemese keminde úsh jyl merzimge jalǵa alynǵan), olar ýákiletti organ belgilegen halyqaralyq avıamarshrýtty paıdalaný sharttaryna sáıkes kelýi tıis;
3) paıdalaný sátinen bastap alynýy boljanatyn kiristi esepke almaǵanda, bir aı ishinde halyqaralyq avıamarshrýt boıynsha usynylǵan kestege sáıkes ushýdy qamtamasyz etý úshin qajetti mólsherde ulttyq nemese sheteldik valıýtadaǵy qarjy qarajaty bolýy;
4) sońǵy aýdıtorlyq eseppen rastalǵan turaqty qarjylyq jaǵdaıynyń bolýy;
5) tólem júrgizý merzimi Qazaqstan Respýblıkasynyń zańnamasyna sáıkes keıinge qaldyrylǵan jaǵdaılardy qospaǵanda, salyq jáne basqa da mindetti tólemder boıynsha bıýdjet aldynda jáne jınaqtaýshy zeınetaqy qorlaryna jiberetin aýdarymdary boıynsha beresheginiń bolmaýy;
6) brondaý júıesinde satylymdar men resýrstardy basqarý boıynsha bilikti personalynyń bolýy;
7) turaqty jolaýshylar tasymaldarynda úzdiksiz jumys tájirıbesiniń bolýy (keminde sońǵy úsh jyl);
8) Qazaqstan Respýblıkasynyń keminde eki qalasynda fılıalynyń nemese ókildiginiń bolýy;
9) avıakompanııanyń veb-saıty arqyly avıabıletterdiń satylymyn engizýi;
10) Halyqaralyq azamattyq avıasııa uıymynda (IKAO) tirkelgeni jáne kodtarǵa ıe bolǵany týraly kýáliginiń bolýy;
11) tasymaldaý qujattaryn elektrondyq jáne qaǵaz túrinde resimdeýdi qosa alǵanda, avıatasymaldardy satýdyń ǵalamdyq dıstrıbýtıvtik júıeleriniń birinde oryndar resýrsyn ornalastyrý jáne júrgizýge arnalǵan kelisiminiń bolýy;
12) Halyqaralyq áýe kóligi qaýymdastyǵy (IOSA) bergen qaýipsizdiktiń óndiristik aýdıti sertıfıkatynyń bolýy.
3. Halyqaralyq avıamarshrýttarǵa arnalǵan konkýrs ótkizý tártibi
10. Konkýrs osy Qaǵıdalardyń 37-tarmaǵynda kózdelgen jaǵdaılardy qospaǵanda, jańa halyqaralyq avıamarshrýttarǵa ne halyqaralyq avıamarshrýtqa kýáliginiń qoldanylý merzimi aǵymdaǵy jyly aıaqtalatyn avıamarshrýttarǵa jylyna bir ret, kúzgi-qysqy navıgasııa bastalǵanǵa deıin aldyn ala júrgiziledi.
11. Ýákiletti organ áleýetti qatysýshylar úshin ýákiletti organnyń buıryǵymen bekitiletin konkýrsqa shyǵarylatyn halyqaralyq avıamarshrýttar boıynsha jolaýshylardy, bagajdy, júkter men poshta jóneltilimderin tasymaldaýdy uıymdastyrýǵa sharttar men talaptardy qamtıtyn konkýrstyq qujattamany daıyndaıdy.
12. Ýákiletti organ Konkýrs ótkizý týraly sheshim qabyldaǵannan keıin konkýrs uıymdastyrýshysy buqaralyq aqparat quraldarynda jáne ýákiletti organnyń ınternet resýrsynda konkýrs ótkizilgenge deıin kúntizbelik 30 kún buryn, konkýrsty qaıta ótkizý jaǵdaıynda - qaıtalama konkýrsty ótkizý bastalǵanǵa deıin kúntizbelik 15 kún buryn konkýrs ótkizý týraly habarlandyrý ornalastyrady.
13. Halyqaralyq avıamarshrýttarda arnalǵan konkýrs ótkizýdi jáne kýálikter berýdi qamtamasyz etý úshin ýákiletti organ ókilderiniń qatarynan quramy ýákiletti organnyń buıryǵymen bekitiletin konkýrstyq komıssııa (budan ári – Komıssııa) qurylady.
14. Komıssııa músheleriniń sany taq bolýy jáne keminde bes adamnan quralýy tıis. Komıssııany komıssııa tóraǵasy, al ol bolmaǵan kezde tóraǵanyń orynbasary basqarady. Komıssııa hatshysy komıssııa múshesi bolyp tabylmaıdy jáne komıssııanyń sheshimderdi qabyldaýy kezinde daýys berýge quqyǵy joq.
15. Komıssııa qatysýshylardyń konkýrstyq ótinimderin qabyldaıdy jáne qaraıdy, konkýrs ótkizedi jáne jeńimpazdardy belgileıdi, sondaı-aq qajettiligi halyqaralyq avıamarshrýttardy bólý jónindegi konkýrstar aralyǵyndaǵy kezeńde týyndaǵan avıamarshrýtty paıdalaný úshin avıamarshrýttardy bólý jónindegi konkýrsty ótkizbeı halyqaralyq avıamarshrýtqa ótinimderdi qaraıdy.
16. Komıssııa tóraǵasy, al ol bolmaǵan jaǵdaıda tóraǵa orynbasary komıssııa qyzmetine basshylyq etedi, komıssııa otyrystarynda tóraǵalyq etedi, komıssııa jumysyn josparlaıdy jáne onyń sheshimderiniń iske asyrylýyna jalpy baqylaýdy júzege asyrady.
17. Ýákiletti organ konkýrsty ótkizýdiń merzimderi men ornyn jarııalaǵannan keıin konkýrsqa qatysýǵa tilek bildirýshi avıakompanııalar osy Qaǵıdalardyń 18-tarmaǵynda kórsetilgen qajetti qujatt
