Qazaqstanda bıe súti qosylǵan maıonez shyǵaryla bastady

Ekonomıka • 06 Jeltoqsan, 2019

Qazaqstanda bıe súti qosylǵan maıonez shyǵaryla bastady

141 ret kórsetildi

Búgingi tańda eksportqa shyǵyp otyrǵan otandyq kóshbasshy kompanııalarymyz ónimderiniń sapasyna ǵana emes, qunarlylyǵyn saqtaýǵa, barynsha tabıǵı ıngredıentter men ınnovasııalyq tenologııalardy paıdalanýǵa kóp mán berip otyrǵany belgili. Al básekeli naryqta otandyq ónimderge qaıtalanbas qazaqy boıaý, ulttyq naqysh berý de az ról atqarmaıdy.

Aınash ESALY

Osylaısha ulttyq qundylyqtarymyzǵa qaıtarýǵa umtylǵan, aınalamyzdaǵy 10 memleketke ónimderin taratyp otyrǵan, «3 jelanııa», «Shedevr» jáne «Zlatye gory» brendteriniń ónimin óndiretin Eurasian Foods Corporation (EFC) holdıngi Almatydaǵy zaýytyna baspasóz-týryn uıymdastyrdy.

Qazaqstannyń jetekshi basylymdary men telearna jýrnalısteri otandyq azyq-túlik ónerkásibindegi kóne ári mańyzdy kásipornynyń tarıhymen tanysýǵa, zaýyttaǵy ınnovasııalardyń aýqymyn kórip, jańa tehnologııalardyń artyqshylyqtaryn baǵalaýǵa múmkindik aldy.

Baspasóz-týrynyń basty oqıǵasy – «Merekelik Provansal» atty bıe súti qosylǵan alǵashqy qazaqstandyq maıonezdiń tusaýkeseri men dámtatary boldy.

Azyq-túlik naryǵynda joǵary suranys týdyratyn tutynýshylardyń talǵamy sońǵy jyldary tabıǵı azyq-túlikke qaraı bet aldy. Al Qazaqstanda bıe sútiniń baı dámi men paıdaly qasıetteri ejelden baǵaly. Bıe sútinde adam aǵzasyna qajetti 40-qa jýyq bıologııalyq komponentter bar ekeni burynnan belgili. Dástúrli qazaq ulttyq ónimderi, onyń ishinde qazirgi zamanǵy formatta shyǵarylǵan erekshe ónimder búginde tanymaldyq shyńynda ekenin nazarǵa ala otyryp, Eurasian Foods Corporation tehnologtary bıe súti qosylǵan maıonezben tutynýshylaryn eleń etkizýge sheshim qabyldaǵan.

Eurasian Foods Corporation ınnovasııalyq tehnologııalyq zerthanasynyń bastyǵy Rýslan Shildebaevtyń aıtýynsha, qazaq ulttyq asúıiniń dástúrlerin áspetteıtin biregeı maıonezdi jasaýdyń shyǵarmashylyq prosesi bir jylǵa jýyq ýaqytty alǵan.

Biregeı óndiristik tehnologııanyń arqasynda jańa ónimde barlyq paıdaly ıngredıentter saqtalǵan. Maıonez kompanııanyń kásiporyndarynda dástúrli «ystyq» tásilmen óndiriledi, onyń negizinde pasterleý prosesi jatyr.

– Mundaı tehnologııa kóptegen básekelestermen salystyrǵanda, óndiristiń neǵurlym uzaq, ári shyǵyndy prosesin qamtıdy, biz muny únemdeýdiń joly dep eseptemeımiz. Biz sapa dástúrlerin ustanamyz jáne maıonezderdi klassıkalyq «ystyq tásilmen» óndiretinimizdi maqtan tutamyz», – deıdi Eurasian Foods Corporation AQ bas tehnology Marına Pak.

Eurasian Foods Corporation ókilderi zaýyttyń tarıhy 1962 jyldan bastaý alatyndyǵyn, búginde onyń ónimderi zamanyna qaraı beıimdelip, tamasha óndiristik tehnologııalardy alyp kelgeni jaıly baıandady.

Kásiporynnyń damý strategııasyna sáıkes, Almaty zaýyty búginde maıonez, ketchýp, tuzdyqtar, dámdeýishter men kúnbaǵys maıyn shyǵarýǵa mamandanǵan. Naryqtyń qajettiligin qanaǵattandyryp, jáne daıyn ónimderdiń shyǵarý kólemin ulǵaıtý úshin tehnologııalyq jáne qosalqy jabdyqtardy jańǵyrtý men jańartý jáne jańa tehnologııalardy engizý turaqty túrde júzege asyrylyp otyr. Sońǵy on jylda óndiristi damytýǵa ınvestısııa kólemi $80,5 mıllıonnan asqan. Búgin 3 myńǵa jýyq adamdy jumys oryndarymen qamtamasyz etetin holdıng quramyna salanyń eki iri kásiporny – Almatydaǵy Eurasian Foods Corporation AQ jáne Qaraǵandydaǵy Eurasian Foods AQ zaýyttary kiredi. 2018 jyldyń qorytyndysy boıynsha holdıng shyǵaratyn ónim kólemi 140 myń tonnadan asqan.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz