2013 jylǵy 5 shilde, Astana, Úkimet Úıi
Qazaqstan Respýblıkasy Úkimetiniń «Qazaqstan Respýblıkasy Básekelestikti qorǵaý agenttiginiń (Monopolııaǵa qarsy agenttik) máseleleri» týraly 2008 jylǵy 15 aqpandaǵy №141 jáne «Memlekettik monopolııa sýbektisi óndiretin jáne ótkizetin taýarlarǵa baǵa belgileý qaǵıdalaryn bekitý týraly» 2013 jylǵy 20 aqpandaǵy №159 qaýlylaryna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. Qazaqstan Respýblıkasy Úkimetiniń keıbir sheshimderine mynadaı ózgerister men tolyqtyrýlar engizilsin:
1) «Qazaqstan Respýblıkasy Básekelestikti qorǵaý agenttiginiń (Monopolııaǵa qarsy agenttik) máseleleri» týraly Qazaqstan Respýblıkasy Úkimetiniń 2008 jylǵy 15 aqpandaǵy №141 qaýlysynda (Qazaqstan Respýblıkasynyń PÚAJ-y, 2008 j., №7, 79-qujat):
kórsetilgen qaýlymen bekitilgen Qazaqstan Respýblıkasy Básekelestikti qorǵaý agenttigi (Monopolııaǵa qarsy agenttik) týraly erejede:
1-tarmaq mynadaı redaksııada jazylsyn:
«1. Qazaqstan Respýblıkasy Básekelestik qorǵaý agenttigi (Monopolııaǵa qarsy agenttik) (budan ári – Agenttik) Qazaqstan Respýblıkasy Úkimetiniń quramyna kirmeıtin, tıisti taýar naryqtarynda básekelestikti qorǵaý jáne monopolıstik qyzmetti shekteý salasyndaǵy basshylyqty tutynýshylardyń quqyqtaryn qorǵaýdy, memlekettik monopolııa salasyna jatqyzylatyn qyzmetti baqylaýdy jáne retteýdi, sondaı-aq zańnamada kózdelgen shekterde salaaralyq úılestirýdi jáne ózge de arnaıy atqarýshylyq, ruqsat etý jáne baqylaý fýnksııalaryn júzege asyratyn Qazaqstan Respýblıkasynyń memlekettik organy bolyp tabylady.»;
16-tarmaqta:
1) tarmaqsha mynadaı redaksııada jazylsyn:
«1) básekelestikti qorǵaý jáne monopolııalyq qyzmetti shekteý salasyndaǵy memlekettik saıasatty iske asyrý;»;
26) tarmaqsha alynyp tastalsyn;
mynadaı mazmundaǵy 45-1), 45-2) jáne 45-3) tarmaqshalarmen tolyqtyrylsyn:
«45-1) memlekettik monopolııa sýbektisi óndiretin jáne ótkizetin taýarlarǵa baǵa saraptamasyn júrgizý;
45-2) memlekettik monopolııa salasyna jatqyzylǵan qyzmetti baqylaýdy jáne retteýdi júzege asyrý;
45-3) memlekettik monopolııa sýbektileriniń «Básekelestik týraly» Qazaqstan Respýblıkasynyń Zańynda belgilengen shekteýlerdi saqtaýyn baqylaýdy júzege asyrý;»;
17-tarmaqtyń 1) tarmaqshasy mynadaı redaksııada jazylsyn:
«1) monopolııaǵa qarsy organ memlekettik kásiporyndar, aksııalarynyń (úlesteriniń) elý paıyzynan astamy memleketke tıesili zańdy tulǵalar jáne óz qyzmetterin Qazaqstan Respýblıkasynyń aýmaǵynda júzege asyratyn, olarmen affılıırlengen tulǵalar qurý týraly ótinishhattardy qaraý barysynda sheshim qabyldaý úshin qajetti qosymsha aqparat suratýǵa quqyly;»;
2) «Memlekettik monopolııa sýbektisi óndiretin jáne ótkizetin taýarlarǵa baǵa belgileý qaǵıdalaryn bekitý týraly» Qazaqstan Respýblıkasy Úkimetiniń 2013 jylǵy 20 aqpandaǵy №159 qaýlysynda:
Kórsetilgen qaýlymen bekitilgen Memlekettik monopolııa sýbektisi óndiretin jáne ótkizetin taýarlarǵa baǵa belgileý qaǵıdalarynda:
2-tarmaqtyń 5) tarmaqshasy mynadaı redaksııada jazylsyn:
«5) ýákiletti organ – básekelestikti qorǵaý jáne monopolııalyq qyzmetti shekteý salasyndaǵy basshylyqty, memlekettik monopolııa salasyna jatqyzylǵan qyzmetti baqylaýdy jáne retteýdi júzege asyratyn memlekettik organ.».
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Rsepýblıkasynyń Premer-Mınıstri S.AHMETOV.
