«5 jeltoqsan kúni saǵat 19:00-den bastap jaýyn-shashyn jáne kóktaıǵaqqa baılanysty respýblıkalyq mańyzy bar A-1 «Nur-Sultan-Petropavl» avtomobıl jolynyń 304-341 shaqyrym (Kókshetaý qalasynan SQO shekarasyna deıin) aralyǵy jabyq», dep habarlady TJK resmı ókili Nursultan Nurahmetov.
Sondaı-aq saǵat 19.00-den bastap Soltústik Qazaqstan oblysynda kóktaıǵaqqa baılanysty Nur-Sultan-Petropavlovsk respýblkıalyq tasjolynyń ( 341-473 shaqyrym, Aqmola oblysy shekarasynan Petropavl qalasyna deıin) aralyǵy kóliktiń barlyq túriniń qozǵalysyna ýaqytsha jabyldy.
«5 jeltoqsan saǵat 12:40-tan bastap Qaraǵandy oblysy aýmaǵynda da kóktaıǵaqqa baılanysty «Almaty-Ekaterınbýrg» tasjolynyń 1003-641 shaqyrym (Qaraǵandy-Balqash qalalary aralyǵy) aralyǵynda, «Qyzylorda-Pavlodar» avtojolynyń 906-424 shaqyrym (Topar kentinen Jezqazǵan qalasyna deıin) aralyǵynda júk jáne qoǵamdyq kólikterdiń qozǵalysyna tyıym salyndy», dedi N.Nurahmetov.
