Rýhanııat • 07 Jeltoqsan, 2019

Almatyda akademık Valentına Jumaǵulova atyndaǵy dárishana ashyldy

86 ret kórsetildi

Almatydaǵy Qazaq ulttyq qyzdar pedagogıkalyq ýnıversıtetinde akademık Valentına Jumaǵulova atyndaǵy dárishana ashyldy.

Kórnekti lıngvıst ǵalymnyń 65 jyldyq mereıtoıy qarsańynda uıymdastyrylǵan sharaǵa joǵary oqý oryndarynyń basshylary, onyń áriptesteri men shákirtteri jáne bilim ordasynyń ujymy qatysty.

Valentına Jumaǵulova – Halyqaralyq joǵary mektep ǵylymdary akademııasynyń akademıgi, fılologııa ǵylymdarynyń doktory, professor. Ol otandyq bilikti kadrlar mektebiniń negiziniń qalanýyna jáne salanyń damýyna eleýli úles qosyp kele jatqan ǵalymnyń biri.V. Jumaǵulova alǵash ret qazaq baspasózindegi syqaq janrynyń tildik erekshelikterin, gazet aıdarlarynyń stılıstıkalyq qyzmetin jáne Qazaqstannyń orystildi baspasózindegi emosıonaldy-ekspressıvti leksıkanyń qalyptasýyn jan-jaqty zerdeledi. Uzaq jylǵy zertteýdiń nátıjesi ǵalymnyń «Qazaqstannyń orystildi baspasózindegi syqaq pen mysal» atty doktorlyq dıssertasııasynda jınaqtalyp, kóziqaraqty kópshiliktiń nazaryna usynyldy. Bul jumys buqaralyq kommýnıkasııa tili damýynyń jalpy jáne jeke úrdisin júıeli lıngvıstıkalyq qabyldaý jolyndaǵy mańyzdy qadam boldy.

V. Jumaǵulovanyń mereıtoılyq jıynyn Qyzdar ýnıversıtetiniń rektory Gaýhar Aldambergenova ashyp, onyń otandyq ǵylymdy damytýdaǵy úlesi men qyzmetin atap ótti.

– Valentına Ivanovna eńbek jolyn Qazaq ulttyq qyzdar pedagogıkalyq ýnıversıtetinen bastady. Ol tájirıbeli pedagog retinde oqytýdyń jańa ádisteri men tásilderin jasap, onyń oqý úderisine engizilýine júıeli yqpal etti. Onyń tikeleı uıytqy bolýymen oqý ornynyń stýdentteriniń shyǵarmashylyq áleýetin arttyrý maqsatynda tulǵaǵa baǵyttalǵan oqytý, kúrdeli oqý, yntymaqtasa oqytý sııaqty jańa bilim berý tehnologııalary qoldanysqa endi. Búginde de atalǵan ádis-tásilder pedagogtardy zaman talabyna  saı daıarlaýda tıimdi  paıdalanylyp keledi. Sonymen qatar Valentına Jumaǵulovanyń jetekshiligimen oqý josparlary jáne til biliminiń ózekti máselelerimen baılanysty eńbek naryǵy qajettiligine saı tańdaý pánderi jasaldy. Onyń qoldaýymen ýnıversıtettiń professor-oqytýshylarynyń ǵylymnyń ózekti máselelerine arnalǵan oqý quraldary jaryq kórdi, – dedi ýnıversıtet basshysy.

Sonymen qatar ol ǵalymǵa Qyzdar ýnıversıtetiniń «Qurmetti professory» ataǵyn saltanatty túrde tapsyrdy.

Oqý ornynyń ujymy men stýdentteri qatysqan jıyn barysynda sondaı-aq Qazaqstan Respýblıkasy Ulttyq ınjenerlik akademııanyń birinshi vıse-prezıdenti, akademık Nadır Nadırov, Turan ýnıversıtetiniń rektory Rahman Alshanov, T. Júrgenov atyndaǵy Qazaq ulttyq óner akademııasynyń oqý jáne oqý-ádistemelik jumystar jónindegi prorektory Sháripbek Ámirbekov, Qyzdar ýnıversıtetiniń Orys tili men ádebıeti kafedrasynyń professory Klara Myńjasarova, ardager ustaz Alma Tájimuratova, ǵalymnyń shákirtteri Almagúl Zadaeva men Beıbitkúl Karımova sóz sóılep, izgi nıetin jetkizdi.

Aıta keteıik, Valentına Jumaǵulovanyń esimibirqatar baǵdarlamalar men irgeli jáne qoldanbaly ǵylymı zertteý baǵdarlamalarynyń avtory retinde tanymal. Bul tarapta onyń 10-ǵa jýyq zertteý eńbegi jaryq kórgen.

 

ALMATY

Sońǵy jańalyqtar

Aıǵa alǵashqylardyń biri bolyp áıel qonady

Tehnologııa • Búgin, 10:00

Atyraý oblysy «sary» aımaqqa endi

Aımaqtar • Búgin, 10:00

Adam janyn indetten arashalaǵan abzal jan

Aımaqtar • Búgin, 09:20

Teńge qymbattaıdy

Qarjy • Keshe

Qazaqstannyń qaı aımaqtarynda joldar ashyldy

Aımaqtar • 07 Naýryz, 2021

Italııada toǵyz júlde aldyq

Sport • 07 Naýryz, 2021

Jansaı Smaǵulov kúmis medaldi ıelendi

Sport • 07 Naýryz, 2021

Elimizde 568 adam koronavırýstan jazylyp shyqty

Koronavırýs • 07 Naýryz, 2021

Elimizde bir táýlikte qansha adam vırýs juqtyrdy

Koronavırýs • 07 Naýryz, 2021

«Barys» utylyp qaldy

Sport • 06 Naýryz, 2021

Uqsas jańalyqtar