«AQSh-tyń ashyq chempıonatynda altyn medal alyp, júzýden álemdik deńgeıdegi sportshy ekenińizdi taǵy bir dáleldep otyrsyz. Qazaqstan Ulttyq Olımpıadalyq komıteti men barsha otandyq jankúıerlerdiń jáne jeke óz atymnan Sizdi tamasha jeńisińizben quttyqtaımyn!
Sizdiń barlyq júldeńiz uzaq ári tynymsyz eńbektiń jemisi. Siz qazaqstandyq jas sportshylar úshin úlgisiz. Alda barshamyzdy 2020 jyly Tokıoda ótetin Olımpıada oıyndary kútip tur. Japonııa astanasyna Olımpıada chempıony retinde attanbaqsyz. Siz Qazaqstanǵa tarıhı jeńis syılap úlgerdińiz. 2020 jylǵy dodada jeńis degen jigerińiz ben myqty minezińizdiń arqasynda taǵy da álem halqyn tań qaldyrasyz degen úmittemin.
Sizdiń daıyndyq kezeńińiz qandaı da bir jaraqatsyz jáne úzilissiz ótýine tilektespin. Kelesi Olımpıada oıyndaryna naǵyz babynda attanatyn sportshylardyń biri dep esepteımin. Denińiz saý bolsyn! Tabys jáne jarqyn jeńis tileımin», - delingen UOK prezıdentiniń quttyqtaý hatynda.
