...balabaqsha qurylysy bastaldy
О́ńirdegi basqa qalalardaǵydaı, Jezqazǵanda da jetkinshekterdi mektep jasyna deıingi oryndarǵa jappaı qamtý ózekti másele sanalady. Osyǵan baılanysty «Balapan» memlekettik baǵdarlamasy aıasynda salynyp jatqan jańa balabaqsha ony sheshýdi jeńildete túspek.
Búginde shahardaǵy 3-ten 6-ǵa deıingi jáne 2-den 3-ke deıingi búldirshinderdi arnaýly oryndarǵa tárbıege tartý 80 paıyz shamasynda bolsa, boı kóterip kele jatqan qurylys olardyń báriniń osyndaı mekemelerge qamtylýyn qamtamasyz etedi.
Aıqyn NESIPBAI,
«Egemen Qazaqstan».
JEZQAZǴAN.
...qyzmet kórsetý ortalyǵy
Kókshetaýdaǵy «Alataý» ákimshilik ortalyǵynda Halyqqa qyzmet kórsetý ortalyǵynyń fılıaly ashyldy.
– Jańa ortalyq kókshetaýlyqtar úshin óte tıimdi. Buryn bas keńse kúnine 500-600 azamatty qabyldaıtyn. Endi uzyn-sonar kezek azaıyp, qujattardy jyldam resimdeýge múmkindik týyp otyr. Búginde qyzmettiń 148 túrin kórsetemiz, aldaǵy ýaqytta onyń sanyn 425-ke jetkizbekshimiz, – deıdi oblystyq Halyqqa qyzmet kórsetý ortalyǵynyń dırektory Shoqan Ábdilmánov.
Sonymen qatar, №1 bólim men Býrabaı aýdanyndaǵy bólimshede «Sonnection ortalyq» ózine ózi qyzmet kórsetý sektory ashyldy. Osynyń arqasynda azamattar «Elektrondy úkimet» portaly arqyly úıde otyryp-aq jumys jasaýǵa múmkindik aldy. Qanatqaqty joba aldaǵy ýaqytta barlyq 22 fılıaldy qamtıdy.
Baqbergen AMALBEK,
«Egemen Qazaqstan».
Aqmola oblysy.
...páterler –
jas mamandarǵa
Jaqynda Zaısan aýdanynyń Birjan aýylynda alty páterli baspanany paıdalanýǵa berýge arnalǵan tusaýkeser rásimi ótip, oǵan aýdan ákimi Almas Ońdaqanov, aýdandyq máslıhattyń hatshysy Dáýlet Ydyryshev, aýyl turǵyndary qatysty. Páter alǵandardyń qatarynda «Dıplommen – aýylǵa!» baǵdarlamasymen qyzmet jolyn bastaǵan ustaz, dáriger, kitaphanashy, ákimshilik mamandary bar.
Aýdan ákimi páter kiltin alǵandardy qýanyshtarymen quttyqtap, Darhan Qasymhanuly bastaǵan qurylysshylarǵa alǵysyn aıtty. Sol kúni kórshiles Daıyr aýylynda fýtbol alańy da ashyldy.
Ońdasyn ELÝBAI,
«Egemen Qazaqstan».
Shyǵys Qazaqstan oblysy.
