Saltanatty ashylýǵa arnaıy qatysqan qala ákimi Erlan Aıtahanov turǵyndardy aıtýly merekemen quttyqtady.
«Shymkent qalasy kúnnen kúnge kórkeıip, abattanyp keledi. Aldaǵy ýaqytta da súıikti qalamyz odan ári gúldene bermek. Shymkent – mádenı, ekonomıkalyq jáne áleýmettik turǵydan damyǵan shaharǵa aınalmaq. Keler jyly TMD elderiniń mádenı astanasy, «ekinshi ustaz» atanǵan Ál-Farabıdiń 1150 jyldyǵy jáne Abaıdyń 175 jyldyǵyn atap ótý josparymyz - solardyń aıǵaǵy. Bizdiń negizgi maqsat – bıýdjetke júk salmaı, memlekettik-jekemenshik áriptestikter jáne jeke ınvestısııalar tartý arqyly qordalanǵan máselelerimizdi sheshý. Mine, búgin Táýelsizdik merekesi qarsańynda ashylyp otyrǵan sport alańshalary turǵyndarynyń súıikti demalys aımaǵy men jastarymyzdyń shynyǵatyn negizgi ornyna aınalatynyna bek senimdimin. Egemendigimiz eńseli, táýelsizdigimiz tuǵyrly bolǵaı», dedi Erlan Qýanyshuly.
Aıta keteıik, atalmysh nysandardy memlekettik-jekemenshik áriptestik aıasynda «STRONG SERVICE» JShS saldy. Bul kompanııa 11 ashyq sport, 4 balalar oıyn alańshasyn jáne 5 trenajer alańshasynyń qurylysyn aıaqtady. Jalpy ınvestısııa kólemi 550,7 mıllıon teńgeni qurady.
Al jergilikti turǵyndar jańa nysandardy uqypty ustaıtyndaryn jetkizdi.
