Jańa qoıylym ıtalıandyq atmosfera men stıldi qaıta óńdeýdiń talǵampaz máni bar kúrdeli ssenografııalyq sıýjetti quraıtyn kóptegen arnaıy effektter men «ýaqyttan ýaqytqa aýysatyn» qozǵalystardy qamtıdy.
Onda barlyǵy zamanaýı tehnologııany opera álemimen úılestiretin tanymal sýretshi Lýka Atılıdiń beıne proeksııalarmen tolyqtyrylǵan.
Ýaqytty saıahat ıdeıasyn biz kostıýmderdiń dızaınerlik sheshimderinde, ártúrli dáýirdiń sánine sáıkes materıaldar men órnekterdi izdeýde júzege asyramyz. Munyń bári – «Don Paskýale» operasyn beıneleıtin keremet qoıylymnyń áserin jasaıdy, kóńildi, ómir men mahabbat rapsodııasy.
Donısettıdiń «úsh bólimdi drama-býffa» dep ózi ataǵan operasynyń sıýjetinde, kórermender bas keıipkerler - qart Don Paskýalemen (Taır Táji, Ilıas Artaǵalıev), onyń jas jıeni Ernestomen (Damır Sadvakasov, Artýr Gabdıev), aılaker dáriger Malatestamen (Emıl Sakavov, Oleg Tatamırov) jáne Norına sulýmen (Zarına Altynbaeva, Anastasııa Kojýharova) kezdesedi.
«Don Paskýale» operasynyń premerasy Almatyda Abaı atyndaǵy Qazaq memlekettik akademııalyq opera jáne balet teatrynyń sahnasynda 1955 jyldyń 9 qazanynda bolǵan.
Spektakldiń rejısseri A. Barannıkov, qoıýshy-sýretshisi A. Moldabekov, dırıjeri V. Chernov, hormeısteri P. Okrýshko, baletmeısteri Iý. Kovalıov bolǵan. Tusaýkeserinde bas partııalardy oryndaǵan: Don Paskýale - A. Kazakevıch, Qazaq KSR-niń halyq ártisi, Ernesto - Iý. Iаkýnın, Norına - N. Kýklına, Dáriger Malatesta - N. Voronkov. Opera teatrda eki jyl sahnalanyp, qaıta jańartylmaǵan.
11 jeltoqsan kúni saǵat 13:00-de Abaı atyndaǵy QMAOBT BAQ ókilderin press-konferensııaǵa jáne Gaetanno Donısettıdiń «Don Paskýale» operalyq qoıylymynyń jabyq baspasóz kórsetilimin alǵashqylardyń biri bolyp tamashalaýǵa shaqyrady.
