Sharanyń taǵy bir mańyzdy tusy – halyqaralyq kınomektepter qaýymdastyǵyna jańa múshelerdi qosýǵa qatysty memorandýmǵa qol qoıyldy. Bıyl oǵan Reseı, Armenııa jáne Nepaldyń úsh kınomektebi múshelikke kirdi. Atalmysh shara «Rýhanı jańǵyrý» baǵdarlamasy sheńberinde uıymdastyryldy.
«Osy festıvaldi tek qazaqtyń kınonyń aıasynda ótkizý kerek dep usynys jasaǵan. Biz bul uynyspen kelispeımiz. Sebebi, basqa memleketten, basqa kontınentten kelgenge konkýrensııa retinde bizdiń ulttyq kınomyz sol kezde ǵana sapasy da dárejesi de, joǵarylaıdy dep men kámil senemin», dedi «Bastaý» festıvaliniń prezıdenti Sergeı Ázimov.
Baıqaýda 9 atalym boıynsha jeńimpazdar anyqtaldy. Úzdik fılm bas júldesin Ońtústik Koreıa jeńip aldy. Al «Úzdik áıel róli» nomınasııasy «Kóńilden ketken» fılminde basty keıipkerdi somdaǵan Iýdıta Frankovıchke buıyrdy. Álemniń myqtylary jınalǵan baıqaýda Qazaqstandyqtar da jeńis tuǵyrynan kórindi. Samǵar Rahym qazylar alqasynyń arnaıy júldesimen marapattaldy.
«Dıplommen aýylǵa» degen fılmdi usyndym. Bul – Qazaqstandaǵy jaǵdaıdy kórkem jetkizetin fılm. Qazir eshkim dıplommen aýylǵa barmaıdy. Jylyna 200 myń adam bitiredi, 2018 jyly 17 adam barypty. Sondyqtan fılmniń ataýyn osylaı atadym», dedi kınorejısser Samǵar Rahym.
