Forýmǵa Indýstrııa jáne ınfraqurylymdyq damý mınıstrliginiń, Qaraǵandy oblysy ákimdiginiń, Qazaqstandaǵy BUU Damý baǵdarlamasynyń, «Atameken» Ulttyq kásipkerler palatasynyń, «Damý» Qorynyń ókilderi, servıstik kompanııalardyń basshylary, bıznesmender jáne basqalary qatysty.
Eki kún ishinde olar jańartylatyn energetıkanyń aǵymdaǵy jaǵdaıy men damý perspektıvalaryn, Qazaqstandaǵy BUU Damý baǵdarlamasynyń energııa tıimdiligi salasyndaǵy bastamalary, «jasyl» sýbsıdııalar jáne jańartylatyn energııa kózderine baılanysty jobalardy birlesip qarjylandyrýdyń túrli quraldaryn talqylaıtyn bolady.
Forým baǵdarlamasyna sondaı-aq energııa únemdeý salasyndaǵy jobalardy iske asyrý mysaldaryn talqylaý, bıznes-keıster jáne jańartylatyn energııa kózderi salasyndaǵy jergilikti jobalardyń tusaýkeseri engizildi.
Qatysýshylar úshin ınvestısııalyq jobalardy ázirleý boıynsha sheberlik sabaqtary ótkiziledi.
Is-sharadan keıin Qaraǵandy oblysynda «jasyl» tehnologııalardy qoldanýǵa múddeli kásipkerler kóp bolady dep kútilýde. Osynyń barlyǵy óńirdiń ekonomıkalyq jáne ekologııalyq jaǵdaıyna oń áser etýi múmkin.
