Gúlmıra Isımbaeva atap ótkendeı, Elbasy Nursultan Ábishuly Nazarbaevtyń saıasatyna sáıkes Qazaqstan áleýmettik baǵdarlanǵan memleket. Múgedekterdi, kópbalaly jáne tabysy az otbasylardy áleýmettik qoldaý - únemi memlekettiń mańyzdy mindeti bolyp tabylady. Táýelsizdiktiń alǵashqy kúnderinen bastap neǵurlym tıimdi áleýmettik saıasatty ázirleý úshin biraz jumys atqaryldy.
Zańnama jetildirilip, áleýmettik kómek kórsetý ádistemesi ózgerýde, memlekettik menedjment tásilderi jańartylýda jáne halyqqa ataýly áleýmettik kómekti taǵaıyndaý kezinde ádildik pen obektıvtilikti qamtamasyz etýge baǵyttalǵan memlekettik baǵdarlamalar qabyldanyp jatyr. Sońǵy 14 jyl ishinde áleýmettik salaǵa jumsalatyn shyǵystar úsh ese ósti. 1,5 mıllıonnan astam azamat turaqty túrde járdemaqylar men tólemderdi alyp turdy. Jalpy alǵanda, áleýmettik salaǵa jumsalatyn qarajat - bıýdjettiń 45 paıyzyn qurady.
Taqyryp tóńireginde baıandama jasaǵan Qazaqstan Respýblıkasynyń Eńbek jáne halyqty áleýmettik qorǵaý mınıstri Birjan Nurymbetov aǵymdaǵy jylǵy 27 aqpanda Memleket basshysynyń «Nur Otan» partııasynyń XVIII sezinde bergen tapsyrmasyn júzege asyrý maqsatynda AÁK taǵaıyndaý tetigi ózgertilgenin aıtty. Mysaly, 1 sáýirden bastap kedeılik shegi 50% - dan 70% - ǵa deıin ósti (14 849-dan 20 789 teńgege deıin).
Sondaı-aq tabysy az otbasynan shyqqan árbir balaǵa AÁK mólsheri 20 789 teńge nemese 70% eń tómen kúnkóris deńgeıi kóleminde belgilengen. Sonymen qatar shartsyz aqshalaı kómek kórsetý merzimi 3 aıdan 6 aıǵa deıin, shartty aqshalaı kómek 6 aıdan 12 aıǵa deıin uzartyldy.
Nátıjesinde, aǵymdaǵy jylǵy qarasha aıynyń basyna shamamen 456,5 myń otbasy nemese 2,1 mln-ǵa jýyq adam memleketten naqty qoldaý aldy, onyń ishinde 53% - y - kóp balaly. Alǵashqy ret bıýdjette AÁK tóleýge 245 mlrd teńge kózdelgen, 10 aı ishinde onyń 66,5% nemese 163 mlrd teńgeden astam qarajat jumsaldy.
Májilistegi Áleýmettik-mádenı damý komıtetiniń tóraıymy Gúlshara Ábdiqalyqova óz sózinde Parlament Májilisi AÁK berýdiń qoldanystaǵy júıesin ózgertetin zań jobasyn maquldady, eń basty baǵyt eńbekke yntalandyrý, tabysy az azamattardyń tabysy men memlekettik qoldaý mólsherine qatysty ashyqtyq pen ádildikti qamtamasyz etý ekenin atap ótti. Usynylyp otyrǵan sharalar kópbalaly analardy qoldaý, jańǵyrtylǵan ataýly áleýmettik kómek, kepildendirilgen áleýmettik kómekti qamtıdy.
Birinshi tabysy az balalardyń 56 % - dan astamy kópbalaly otbasylardyń balalary. Osyǵan baılanysty kópbalaly otbasylarǵa jeke memlekettik járdemaqy engizý kózdelgen. Ol tabysyna qaramastan, kópbalaly analardyń bedelin taný, olardyń otbasylaryndaǵy materıaldyq ál-aýqatyn arttyrý, elde bala týýdy yntalandyrý retinde beriletin bolady.
Osylaısha, 4 jáne odan da kóp kámeletke tolmaǵan balalary bar 340 myńnan astam kópbalaly otbasylar úshin otbasynyń balalar sanyna baılanysty 2020 jyly 42 496 teńgeden 74 388 teńgege deıin saralanǵan mólsherde jańa memlekettik járdemaqy belgilenetin bolady. Bul jańa norma AÁK taǵaıyndaý kezinde balalarǵa belgilengen tólemdi bir mezgilde alyp tastaýmen engiziledi.
Ekinshi AÁK shyn máninde oǵan muqtaj, qıyn ómirlik jaǵdaıǵa tap bolǵan jáne óz betinshe shyǵa almaıtyn adamdarǵa taǵaıyndalady. 2020 jylǵy 1 qańtardan bastap, AÁK-niń toqsan saıynǵy taǵaıyndalýyn qaıtarý jáne tıisinshe kelisilgen, sondaı-aq shartty jáne shartsyz kómekti úsh aıǵa taǵaıyndaý qolǵa alynady.
Sondaı-aq AÁK mólsheri otbasynyń barlyq músheleri úshin kedeılik shegi men jan basyna shaqqandaǵy ortasha tabys arasyndaǵy aıyrmashylyq retinde belgilenetin bolady. Jáne jumyspen qamtýǵa járdemdesý sharalaryna qatysýdan bas tartqan jaǵdaıda AÁK alý sharttaryn kúsheıtý. Eger otbasynyń eńbekke qabiletti múshesi usynylǵan belsendi sharalardan bas tartsa, onda ol jáne onyń otbasynyń barlyq músheleri AÁK alý quqyǵynan aıyrylady. Sondaı-aq, bala kútimimen aınalysatyn analarǵa bala úsh jasqa tolýymen jumyspen qamtýdyń belsendi sharalaryna qatysý quqyǵy beriledi.
Úkimet saǵaty qorytyndysy boıynsha arnaıy Usynym ázirlendi
