Oblys ortalyǵyndaǵy «Kvazar» ortalyq bazarynda «Halal ónimder» bólimi ashyldy. Bul jerde jylqy, qoı eti jáne basqa da sút ónimderi, dámdi taǵamdar Ramazan aıynda arzan baǵamen satylýda.
Sol sııaqty, búginderi Qanysh Sátbaev, Kýtýzov kósheleri boıynda, qala ishindegi barlyq baǵyttarda júretin tramvaılarda «Oraza qabyl bolsyn!» degen jazýlardy kórýge bolady. Bir kún bolsa da jastarymyzǵa oı salar ıman-saýap, ǵıbadat, tazalyqtyń qadir-qasıetin bilgennen, jaqsylyq jasap jarysqannyń artyǵy joq. Qala ákimdiginiń uıymdastyrýymen Máshhúr Júsip meshitiniń ashanasynda kún saıyn oblys ortalyǵyndaǵy mekemeler men kásiporyndar aýyzashar berýde. Oǵan turmysy tómen, kópbalaly otbasy músheleri, soǵys jáne eńbek ardagerleri, zaǵıp jandar, balalar úıleri, qarttar úıi, jalǵyz basty qarttar, áleýmettik az qamtylǵan adamdar da shaqyrylýda.
Farıda BYQAI,
«Egemen Qazaqstan».
Pavlodar.
