Sýretti túsirgen Meıirbek TÁJQURANOV
Forýmǵa elimizge tanymal tulǵalar – kásipker Marǵulan Seısembaı, Qazaqstanda Iаndeks.Taksı júıesindegi iri taksoparktiń negizin qalaǵan Tımýr Qudaıbergenov, «Domino home & horeca» dúkender jelisiniń negizin salýshy, «Jarqyn kásipker» kásipkerler klýby basqarmasynyń tóraǵasy Jalǵas Dáýletov, «Sınergııa-Qazaqstan» ýnıversıtetiniń prezıdenti Baýyrjan Qasymbergebaev, osy ýnıversıtettiń damý departamenti dırektory Dana Sadyqova jáne basqalary sóz sóılep, óz tájirıbelerin ortaǵa saldy. Spıkerlerdiń arasynda Batys Qazaqstan oblysy ákiminiń birinshi orynbasary Muhtar Mankeev te boldy.
- Bıznes forým jańa formatta uıymdastyrylyp otyr. Bul tyń startap jobalardy qolǵa alýǵa yntalandyrady. Munda sóıleıtin spıkerler de óz eńbegimen jetistikke jetken myqty mamandar. Olar óz tájirıbesimen bólisedi. Bul forým jastardy yntalandyryp, ár adamnyń oı túıip, jańa isin bastaýyna túrtki bolsa deımiz. Batys Qazaqstan oblysy munaıgaz salasyna arqa súıeıdi. Biraq shaǵyn jáne orta bızneste tek jastar emes, jasy úlkenderge de startap jobalar jasaýǵa bolar edi. Endeshe kásipkerlik qabileti bar jerlester óz kásibin bastap, belsendilik tanytýy tıis, - dedi óz sózinde Muhtar Mankeev.
- Bul forým negizinen jastarǵa arnalǵan dep oılaımyn. Sebebi, jas adamǵa ózi jasap jatqan isiniń durystyǵyna senim jetispeıdi. Jastar syrttan qoldaý kútedi. Osy bir ótpeli kezeńde adamdy qoldap, durys baǵyt-baǵdar berip jiberse, ol kisiniń nátıjege jetý múmkindigi kóbirek bolady dep oılaımyn. Forýmda ár salada belgili bir jetistikke jetken spıkerler ózderiniń ómirden alǵan sabaqtarymen bólisti. Bul qatysýshy jastarǵa shabyt berip, durys baǵytpen júrýine jol siltedi dep esepteımin, - deıdi forýmǵa qatysýshy Aqylbek Esenalın.
Batys Qazaqstan
