Ádette jeńis degen qaı komanda úshin de jeńis pen tabys ákelip jatady ǵoı. Degenmen, onyń bári kerisinshe boylp shyǵatyn kezderi de kezdesedi eken. Muny Nıgerııada taıaýda oryn alǵan myna jaǵdaı tolyq dáleldep otyr. Bul týraly ITAR-TASS habarlady.
Atalmysh eldi asa iri eseppen jeńiske jetkenderine baılanysty eki fýtbol komandasynyń oıynshylary asa qatań jazaǵa ushyrady. Naqtyraq aıtqanda, Nıgerııa ulttyq fýtbol federasııasy eki komandanyń oıynshylary men basshylaryn ómir boıyna dıskvalıfıkasııaǵa jiberdi. Bul janjal eki klýbtyń el chempıonatynyń kezekti týrynda qarsylastaryn 79:0 jáne 67:0 degen eseptermen jeńgeninen keıin kóterildi. Osy qorytyndy matchtarǵa deıin bul komandalardyń upaılary birdeı edi. Olardyń birinshi oryn úshin syrttaı básekesi aıtylyp otyrǵan kezdesýlerde óristedi. Osynda kim kóbirek dop aıyrymyna jetse, sol chempıon bolýǵa tıis edi.
Al matchtar adam kútpegen nátıjelermen aıaqtaldy: «Polıs Mashın» komandasy «Býbaıarony» 67:0 etip talqandasa, «Plato Iýnaıted Fıders» jasaǵy «Akýrbý»ujymyn 79:0 etip iske asyrmaı tastady.
Nıgerııa fýtbol federasııasyndaǵylar muny mazaq dep túsindi, eldiń birinshiligi mártebesin aıaqqa taptaý dep bildi. Olar bul oıyndardyń aldyn aal kelisý arqyly ótkenderine de kúmán keltirmeıdi. Komıssııa «Plato Iýnaıted Fıderstiń» bir oıynshynyń osynda tipti 14 gol soqqanyn da anyqtap shyqty. Al «Polıs Mashınniń» jigitter bir mınýttyń ishinde 4 gol salyp úlgergen.
Komıssııanyń sheshimimen bul shoýdy uıymdastyrǵan komandalar basshylary men oıynshylaryn túgeldeı ómirlik dıskvalıfıkasııaǵa jiberdi. Al klýbtardyń ózderi bolsa, aldaǵy on jylǵa deıin chempıonatqa qatysý quqyǵynan aıryldy.
Damır Qojamqul.
