Semınar-keńesti alǵy sózimen ashqan QazBSQA janyndaǵy lıseıdiń dırektory Janar Adılova semınardyń barysymen tanystyryp ótti. Alǵashqy sózdi alǵan QazBSQA rektory Erik Besımbaev semınardyń maqsaty - Elbasynyń halyqqa joldaýyndaǵy qazaq tiliniń ultaralyq qatynas tili retinde qalyptasý baǵytyndaǵy jumystardyń bir salasy qazaq álipbıin latyn grafıkasyna kóshirý úderisindegi jastardyń alatyn orny men atqaratyn rólin anyqtap, jastarǵa artylatyn mindetterdi belgileý ári nasıhattaý ekendigine toqtalyp ótti. «Bolashaqqa baǵdar: rýhanı jańǵyrý» maqalasynyń búginimiz ben bolashaq úshin bereri mol. «Rýhanı jańǵyrý» aıasyndaǵy tildik reforma Jańǵyrýdyń jańa kezeńin bastady.Tildik reforma jahandaný kezeńinde ulttyq bolmysymyzdy saqtap qalý, jańa dáýirdiń qajettilikterine oraı tildi beıimdeý maqsatymen sabaqtasyp jatyr.
Semınar-keńeste sóz alǵan qalalyq, aýdandyq tilderdi damytý bóliminiń mamandary latyn grafıkasyna aýysýdyń mán-mańyzyn túsindirse, «Jańa emleni oqytý ádistemesi» boıynsha trenerler latyn grafıkasyn qabyldaý boıynsha memlekette atqarylǵan jumystarǵa toqtaldy, álipbıdiń sońǵy nusqasyna engizilgen ózgeristerdi atap kórsetti.
Semınar-keńeske QazBSQA IQBI dırektory B.Abılova, Memlekettik tildi damytý ınstıtýtynyń basshysy, fılologııa ǵylymynyń kandıdaty B.Qapalbek, Almaty qalasy ákimi apparatynyń Tilderdi damytý jáne latyn grafıkasyna kóshý ortalyǵynyń bas ınspektory B.Qalymbet, Bostandyq aýdany ákimi apparatynyń Mádenıet jáne tilderdi damytý bóliminiń basshysy B.Qýanyshev, Stydi-in halyqaralyq bilim berý holdıngi, qazaq tili bóliminiń jetekshisi Á.Sabyrova, QazBSQA janyndaǵy lıseıdiń oqytýshysy N.Safýllına, Almaty tehnologııalyq ýnıvesıtetiniń oqytýshysy A.Abdyqadyrova, sondaı-aq birneshe joǵary jáne arnaýly orta oqý oryndarynyń ustazdary men stýdentteri qatysty.
Semınarǵa qatysýshy qonaqtar Qazaq bas sáýlet-qurylys akademııasynyń ǵımaratymen jáne fakýltetter, dárishanalarmen tanysty. Semınar sońynda stýdentter latyn qarpimen tapsyrmalar oryndady. Is-sharanyń qatysýshylary, latyn grafıkasyna kóshýdiń mańyzdylyǵy jáne qajettiligi jóninde sóz qozǵap, pikir almasty.
