Qyzylorda oblystyq prokýratýrasy ústimizdegi jyldyń birinshi jarty jyldyǵyndaǵy jumys qorytyndysyn shyǵardy. Bul týraly oblystyq prokýratýranyń baspasóz qyzmeti habarlady.
Kún tártibindegi birinshi másele – «Áleýmettik-ekonomıkalyq saladaǵy zańdylyqty qadaǵalaý baǵyty týraly» basqarma bastyǵy Ǵalym Edigeev baıandama jasady. Esepti merzimde oblys prokýratýra organdary 535 tekserý júrgizip, 19 907 zań buzýshylyqty anyqtady. Onda 10 812 azamattyń konstıtýsııalyq quqyqtary men zańdy múddeleri qorǵalyp, 3 mlrd. 39 mln. teńge qarjysy memleket paıdasyna óndirildi.Anyqtalǵan zań buzýshylyqtar boıynsha 626 usynys engizildi, zań buzýshylyqtardy joıý týraly berilgen 32 uıǵarym oryndalyp, 158 narazylyqtarmen 1 908 zańǵa qaıshy kesimder buzylyp, 2008 tulǵa ártúrli jaýapkershilikterge tartyldy.
Oblystyq prokýratýramen azamattardyń eńbek quqyqtarynyń saqtalýyna erekshe nazar aýdaryldy. Osyǵan oraı júzege asqan jumystardyń nátıjesinde 2013 jyldyń ótken merziminde 23 mekemeniń 2 566 jumysshylar aldyndaǵy 174,1 mln. teńge jalaqy qaryzdarynyń tólenýi qamtamasyz etilip, eńbek zańnamasyn buzǵan 43 tulǵa ákimshilik jaýapkershilikke tartyldy.
Esepti merzimde prokýratýra organdary sybaılas jemqorlyq sıpatynda 3 qylmystyq is qozǵady. Aǵymdaǵy jyldyń 6 aıynda kásipkerlikti qorǵaýǵa baılanysty 30 tekserý júrgizilip, anyqtalǵan 455 zań buzýshylyqtar boıynsha 3 narazylyq, 21 usynys engizildi. Al qaralý qorytyndysymen 25 zańsyz aktiniń kúshi joıylyp, 43 tulǵa tártiptik jáne 3 tulǵa ákimshilik jaýapkershilikke tartyldy. Prokýrorlyq yqpal etý aktileriniń qaralý nátıjesimen 213 kásipkerdiń quqyqtary qorǵaldy.
Tabıǵat qorǵaý zańdylyǵyn qadaǵalaý salasy boıynsha ústimizdegi jyldyń birinshi jarty jyldyǵynda 42 tekserý uıymdastyrylyp, olar boıynsha 46 usynys, 12 narazylyq engizilip, onymen 18 aktiniń kúshi joıylsa ákimshilik jaýapkershilikke 161, tártiptik jaýapkershilikke 33 tulǵa tartylyp, tabıǵatqa keltirilgen 2 mlrd. 666 mln. teńgeden astam zalal memleket paıdasyna óndirildi.
Oblystyq prokýratýra organdary salyq zańnamalary talaptarynyń saqtalýyna 11 tekserýler júrgizip, 44 zań buzýshylyqty tapty. Sonyń negizinde 13 zańdylyqty buzýshylyqty joıý týraly usynys engizilip, qaralý qorytyndysymen 7 adam tártiptik, 12 adam ákimshilik jazalar aldy. Bul 3 mlrd. teńge memlekettik bıýdjetke qarjy óndirilýine jetkizdi.
Jıynda oblystyq prokýratýranyń arnaıy prokýrorlar basqarmasynyń jumysy týraly basqarma bastaǵy Jalǵas Ahmetov baıandap berdi. Ol óz sózinde bıylǵy jyldyń 6 aıynda qoǵamdyq mańyzy bar dep tanylǵan 12 qylmystyq is boıynsha aldyn ala tergeý júrgizilgenin aıtty. Sotqa joldanǵan qylmystyq isterdi 7-i boıynsha aıyptaý úkimderi qabyldanǵan. Mysaly, ishki ister organdarynyn qyzmetkerleri qylmys jasady dep jalǵan aıyptaǵan B.Qaljanov, búldirshin qyzdy zorlap, óltirgen E. Jalıev, eki kásipkermen birlesip 5 mln. teńgeden astam memlekettik qarjyny urlaǵan OIID-niń burynǵy basqarma bastyǵy ártúrli merzimderge bas bostandyǵynan aıyrýǵa sottaldy.
Qyzylorda qalalyq ishki ister basqarmasynyń anyqtaýshysy A.Áljanov 7 qylmysty esepten jasyrǵany úshin aıyppul jazasyna tartyldy. Sezikti jóninde tyıym salynǵan tergeý ádisterin qoldanǵan Shıeli aýdandyq ishki ister bóliminiń burynǵy jedel ókiliniń qylmystyq isi sotta qaralýda.
Eki jyldyń kóleminde 200. mln. teńgeden astam salyqty tóleýden jaltarǵan jeke kásipker sotqa berildi. Baǵasy 20 mln. teńgeden astam memleket múlkin 610.000 teńgege satýdy uıymdastyrǵan Baıqońyr qalasynyń departament bastyǵy jáne bóten múlikti urlaý qylmysyn esepten jasyrǵan Aral aýdandyq ishki ister bóliminiń qyzmetkeri jónindegi qylmystyq ister aıaqtalý satysynda.
Kelesi kezekte ustalǵan, qamaýǵa alynǵan jáne qylmystyq jazany óteýshi adamdardyń quqyqtarynyń saqtalýyn qadaǵalaý boıynsha basqarma bastyǵy Meırambek Ibrashev sóz aldy. Ol óz sózinde osy ýaqyt ishinde qylmystyq atqarý zańdarynyń qoldanylýyna 1720 tekserý júrgizilip, 517 zań buzýshylyqtyń, onyń ishinde 118 sottalǵannyń konstıtýsııalyq quqyqtarynyń buzyl
