Búgingi kúnde 43 755 salyq tóleýshi salyq raqymshylyǵymen qoldandy, bereshekti barlyǵy 15,3 mlrd teńge somasyna tólegen, olarǵa 5,2 mlrd teńge ósimpul jáne 0,3 mlrd teńge aıyppul somasy esepten shyǵarylǵan.
Sonymen qatar Qarjy mınıstriniń 2019 jylǵy 6 tamyzdaǵy № 829 buıryǵymen Qarjy mınıstriniń 2018 jylǵy 27 aqpandaǵy № 306 buıryǵymen bekitilgen Jeke shottardy júrgizý qaǵıdalaryna qosymshalar engizilgenin atap ótemiz, osyǵan sáıkes salyqtyq raqymshylyq sondaı-aq salyq tekserý nátıjesinde salyq jáne basqa da mindetti tólemder 2018 jylǵy 1 qazanǵa deıingi salyq merzimine eseptelgen, biraq tekserý nátıjeleri týraly habarlamany shaǵymdaýǵa nemese tekserý nátıjeleri týraly habarlamany oryndaý merzimi kelmeýine sáıkes 2018 jylǵy 1 qazandaǵy jaǵdaı boıynsha bereshek joq bolǵan salyq tóleýshilerge júrgiziletinin eskertemiz.
Budan basqa, jeke shottardy júrgizý qaǵıdalaryna qosymshalar engizýge sáıkes salyq raqymshylyǵy 2018 jylǵy 1 qazannan keıingi kezeńde 2018 jylǵy 1 qazanǵa deıingi salyqtyq kezeńine qosymsha salyqtyq esepti tapsyrǵan salyq tóleýshilerge júrgiziledi.
Bul rette salyqtyq esep boıynsha aıyppul somasyn esepten shyǵarý tek ony 2019 jylǵy 1 shildege deıin tólemegen jaǵdaıda júrgiziledi, onda ýaqytynda tólengen aıyppul somasy raqymshylyqqa jatpaıdy.
Sondaı-aq aǵymdaǵy jyldyń tamyz aıynan jeke tulǵalarǵa arnalǵan salyqtyq raqymshylyq bastaldy.
Salyqtyq raqymshylyq sheńberinde bizdiń azamattar ótken jyldar úshin salyqtyq mindettemeleri boıynsha negizgi qaryz somasyn tólegen jaǵdaıda olarǵa ósimpuldar shegeriletin bolady.
Ár túrli sebepter boıynsha jeke tulǵalarda eleýli qaryz somalary bar, mysaly, jyljymaıtyn múlikti satýǵa baılanysty eseptelgen kólik salyǵy nemese jeke tabys salyǵy. Salyq kodeksine sáıkes merzimin ótkizip alynǵan kún úshin esepteletin ósimpuldyń mólsheri azamattarymyzdyń jaǵdaıyn qıyndatady.
Osyǵan oraı, ótken salyqtyq kezeńder úshin jınalǵan qaryzdary bar jeke tulǵalar aǵymdaǵy jyldyń sońyna deıin negizgi qaryzdy ótep, salyqtyq raqymshylyqty paıdalana alady.
Bul rette eseptelgen ósimpuldar memlekettik kirister organdarymen avtomatty túrde esepten shyǵarylady.
Qazirgi ýaqytta 12,6 mlrd teńge beresin tólegen 549 myńnan astam azamattarǵa 2,3 mlrd teńge ósimpul esepten shegertildi.
Aǵymdaǵy jyldyń sońyna deıin eseptelgen kúnder qaldy, osyǵan baılanysty negizgi qaryzdy óteýge jáne salyqtyq raqymshylyqpen paıdalanýǵa asyǵyńyz.
