Aıtýly dodanyń irikteý syny Aqtóbe qalasynda ótti. Sol synaqtan súrinbeı ótken almatalyqtar myqtylarmen kúsh synasý qurmetine ıe boldy. Osylaısha, tórt úzdik komanda Alataý baýraıyndaǵy ásem shaharda bas qosty. Balýan Sholaq atyndaǵy Mádenıet jáne sport saraıynda uıymdastyrylǵan jarystyń jartylaı fınalynda Shymkent qalasynan basym túsken olar aqtyq aıqasta Mańǵystaý oblysyna san soqtyrdy. Eki retinde de 3:2 esebi tirkeldi.
Sóz oraıy kelgende, Konfederasııa kýbogynyń jeńimpazy atanǵan komandanyń sapynda Arýjan Muhtar (55 kılo), Arýjan Bargosh (61 kılo), Aleksandra Býdkına (+61 kılo), Dıdar Ámiráli (67 kılo), Batyrhan Qoshanov (75 kılo) jáne Dáýlet Dáýlethan (+75 kılo) syndy jekpe-jek sheberleri óner kórsetkenin aıta ketken abzal.
Aıtýly komandanyń aǵa jattyqtyrýshysy Asqar Moldaǵalıdiń aıtýynsha, Almaty qalasynda sporttyń osy túri boıynsha jeńispen órilgen baı dástúr bar. Uzaq jyldar boıy jerlesterimiz kóptegen baıraqty básekelerde tolaǵaı tabystarǵa qol jetkizip júr. Búgingi tańda da sol dástúr jalǵasyn tabýda. Almatylaqtardyń Konfederasııa kýbogynda top jarýy osynyń aıqyn dáleli. Jáne de qala ákimdigi men sport basqarmasynyń karatege degen yqylasy erekshe ekenin de atap ótken jón. Olar únemi jekpe-jek sheberlerine qoldaý kórsetýde.
Iá, Almatyda «Rýhanı jańǵyrý», «Sporttyq Almaty», «Sport meniń aýlamda» jáne taǵy basqa baǵdarlamalar men jobalardyń júzege asyp jatqanyn osydan-aq anyq baıqaýǵa bolady.
ALMATY
