Derekti fılm XX ǵasyrdyń basynda elimizde tuńǵysh Ultyq teatrdyń negizin salýshylardyń biri Serke Qojamqulovtyń ómiri men shyǵarmashylyǵy týraly baıandaıdy. Tabıǵı talantymen sahna ónerin meńgergen óner ıesi qazaq kınosynyń akterlik mektebin de qalyptastyrýǵa tikeleı aralasqan.
«Qazaq Renessansy» sıkly boıynsha túsirilgen kınotýyndyny QR mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ túsirgen.
– Búgingi keshke qatysyp otyrǵanyma óte qýanyshtymyn. Ultymyzdyń birtýar akteri, qaıtalanbas tulǵasy Seraǵamyzdyń artynan qalǵan qyzdary búginde elimizdiń mádenıetine eleýli úles qosyp júrgen asyl jandar. Bıyl aǵamyzdyń bul dúnıeden ótkenine 40 jyl bolypty. Seraly aǵamyzdyń jarqyn beınesi men ult ónerine sińirgen eńbegi halyq jadynda máńgi saqtalatynyna senimdimin, – deıdi «Qazaqfılm» kınostýdııasynyń prezıdenti Arman Ásenov.
Al Qazaqstan kınematografıster odaǵynyń tóraǵasy Ermek Tursynov:
«Serke Kojamqulov – ulttyq kásibı teatr jáne kıno óneriniń negizin qalaǵan has sheberlerdiń biri. Asharshylyq pen soǵysty óz kózimen kórgen daryn ıesi eshbir qıyndyqtarǵa qaramastan ómiriniń sońyna deıin ónerge adal qyzmet etti», dep Qojamqulovtyń ult ónerindegi ulanǵaıyr orny týraly tebire aıtty.
Fılmniń tusaýkeserine Serke Qojamqulovtyń qyzdary – Renata, Balym, Márıam jáne Salıha Qojamqulovalar qatysyp, ákeleri týraly estelikterimen bólisti.
