"Rýhanı jańǵyrý" baǵdarlamasy aıasynda týǵan jerinde iri áleýmettik jobalardy iske asyrǵany úshin az qamtylǵan, kóp balaly otbasylarǵa, ata-ananyń qaraýynsyz qalǵan jetim balalarǵa, múgedekterge qaıtarymsyz kómek kórsetkeni úshin bir top jomart jandar marapattaldy.
Atyraýlyq Tabyldıev Erlan Hısmetuly "Jyl mesenaty" atalymynda laýreat atansa, "Júrekten júrekke" qoǵamdyq qory "Jyldyń úzdik uıymy" atalymynda jeńimpaz bolyp tanyldy.
Erlan Tabyldıev – "GazStroyMontazhKz" JShS quryltaıshysy, 2019 jyly Atyraý qalasyndaǵy «Munaıshy» stadıonynyń alańyn tolyqtaı jańartyp jáne jastar úshin skeıt saıabaǵyn salyp berdi. Sonymen qatar áleýmettik jaǵdaıy tómen otbasynan shyqqan eki stýdentke H.Dosmýhamedov atyndaǵy Atyraý memlekettik ýnıversıtetinde tegin bilim alýǵa múmkindik jasap otyr.
Odan bólek Atyraý oblysy jaýyngerlik óner assosıasııasyn basqara otyryp, sportshylarǵa únemi qoldaý kórsetip keledi.
"Júrekten júrekke" qoǵamdyq qory 2013 jyly erikti jastardyń bastamasymen quryldy. Osy ýaqyt aralyǵynda qor 20-ǵa jýyq qaıyrymdylyq aksııasyn, 50-ge jýyq qaıyrymdylyq jármeńkesin uıymdastyryp, kópbalaly analarǵa, dertke shaldyqqan sábılerge, balalar úıi men qarttar úıine kómektesip keledi.
Budan bólek, "Júrekten júrekke" bes iri áleýmettik mańyzy bar jobany júzege asyrdy. Solardyń biri - "Billim For All" jobasy. Joba aıasynda kópbalaly jáne múmkindigi shekteýli bala tárbıelep otyrǵan analardy, áleýmettik osal topqa jatatyn otbasy múshelerin kásipke baýlyp, 700-ge jýyq maman daıyndap, keıbireýiniń óz kásibin ashýyna, jumysqa ornalasýyna sebepker boldy.
Qazirgi ýaqytta senimgerlik basqarý boıynsha 424,4 sharshy metr ǵımaratty kúrdeli jóndeýden ótkizip, "Venera" ınklıýzıvti damytý ortalyǵyn iske qosty. Ortalyqta 3-15 jas aralyǵyndaǵy múmkindigi shekteýli balalardy ınklıýzıvti baǵytta qoljetimdi baǵada damytý jumystary júrgiziledi. Sondaı-aq «Mars» qolóner shyǵarmashylyq sheberhanasyn ashty. Onda 16 jastan asqan múmkindigi shekteýli jandardy kásipke baýlyp, eńbekke aralastyryp, qoǵamǵa qosýǵa jumystanyp keledi.
ATYRAÝ
