Oblys ákimi Ońdasyn Orazalın aqtóbelikterdi Táýelsizdiktiń 28 jyl tolýymen quttyqtady. Tarıhqa kóz júgirtip, ata-babalar ańsaǵan azattyqtyń qundylyǵyn atap ótti.
«Elbasynyń «Táýelsizdikke qol jetkizý qıyn, al ony saqtap qalý odan da qıyn degen» sózi bar. Sondyqtan táýelsizdigimizdi kózdiń qarashyǵyndaı saqtap, eldigimizdi nyǵaıtý – árbir azamattyń mindeti. Bizdiń alǵa qoıǵan maqsatymyz damyǵan 30 eldiń qataryna ený, jastarymyzdyń qabileti, bilimi men birligi, qandaı da básekelestikke qarsy turaryna esh kúmán joq. Jarqyn bolashaq jaqyn, elimiz aman, jurtymyz tynysh bolsyn! Barshańyzdyń denderińizge saýlyq, otbasylaryńyzǵa baqyt tilegim keledi. Táýelsizdigimiz tuǵyrly, eldigimiz ǵumyrly bolsyn"-dedi óńir basshysy.
Oblys ákimi sonymen qatar aımaqtyń 2019 jyldyń 11 aıynda jetken jetisterine toqtaldy. Áleýmettik-ekonomıkanyń damýy 105% quraǵan. Shaǵyn jáne orta bıznes 10,7% - ǵa ósip, onda 144 myńnan astam adam eńbek etedi. "Nurly Jer" memlekettik baǵdarlamasy aıasynda bıyl 836 myń sharshy metr turǵyn úı paıdalanýǵa berildi. "Táýelsizdikti nyǵaıtýda óńir halqynyń birligi, ortaq maqsattaǵy jaýapkershiligi men belsendiligi asa qajet. Sonda ǵana biz týǵan jerimiz – Aqtóbeni qutty mekenge aınaldyramyz",-degen oblys ákimi óńirdiń mádenı, qoǵamdyq saıası, áleýmettik damýyna úles qosqany úshin túrli salada medısına, kásipkerlik, sport, mádenıet t.b salalarynda qyzmet etken 51 azamatty marapattady.
"Qazhrom" transulttyq kompanııasy Don taý – ken baıytý kombınaty AQ fılıalynyń basshysy Vıktor Tıl «Otan» ordeni, Maximus»/«Maksımýs»JShS úılestirý keńesiniń tóraǵasy Amangeldi Maıtekov,Aqtóbe metall qurastyrý zaýyty» JShS dırektory Qaırat Qoılybaevqa «Parasat» ordeni berilse, Aqtóbe oblysy Temir aýdandyq ardagerler keńesiniń tóraǵasy Nurmahan О́tepov, eńbek ardageri Jaqsybaı Talaev, Aqtóbe oblysy ákimdigi apparatynyń basshysy Nurjaýǵan Qalaýov, Aqtóbe oblystyq saılaý komıssııasynyń tóraıymy Gúlnara Kúnbaeva t.b «Qurmet» ordeni tabystaldy. Sonymen qatar birqatary III dárejeli «Eńbek Dańqy» ordeni,«Eren eńbegi úshin», «Shapaǵat» medaldary, QR "Qurmet gramotasymen" marapattaldy.
Rábıǵa Syzdyq, Amangeldi Aıtaly, Dinmuhammed Qudaıbergen, Qurmanǵazın Esimhan syndy 4 azamatqa «Aqtóbe oblysynyń qurmetti azamaty» ataǵy berildi.
Saltanatty shara jergilikti ónerpazdardyń konserttik baǵdarlamasymen jalǵasty.
