Bıyl bulbul úni qazaq dalasyn tegis terbegen óreli óner ıesi toqsan jasqa tolǵan bolatyn. Operadaǵy bas partııany vokalıster baıqaýynda bas júldege ıe bolǵan opera ánshisi Alfııa Karımova oryndady. Aıtýly konsertke Bıbigúl Tólegenovany quttyqtaýǵa kelgen otandyq estrada ókilderi men halyq ártisiniń erekshe talantyna bas ıetin óner súıer qaýym saraı ishin lyq toltyrdy.
Este bolsa, kúni keshe Bıbigúl Tólegenova I dárejeli «Barys» ordenimen marapattalǵan bolatyn. Joǵary nagradany Prezıdent Qasym-Jomart Toqaevtyń jarlyǵymen memlekettegi jáne qoǵamdyq qyzmettegi eren eńbegi úshin, halyq ártisine elimizdiń Mádenıet jáne sport mınıstri Aqtoty Raıymqulova tabystaǵan edi.
«Qazaq eli úshin keremet mereke - Táýelsizdigimizdi alǵanymyzǵa 28 jyl toldy. Qos mereke - egemendigimiz ben Bıbigúl Ahmetqyzynyń 90 jyldyq mereıtoıy qatar toılanaıyn dep tur. Ol da úlken qýanysh. Eń bastysy, búkil jastarymyz egemendigimizdiń qadir qasıetin tereńnen uǵynyp keledi. Egemendigimiz máńgilikke aınalsyn, el tuǵyry bıik bolsyn. Kók baıraǵymyz jelbireı bersin», - deıdi QR Eńbek sińirgen qaıratkeri, estrada jáne opera ánshisi Tolqyn Zabırova.
