Búginde QR Ulttyq memlekettik kitap palatasynyń búginde baspasóz muraǵatynda 5 mıllıonmen sanalatyn baspa ónimderi saqtalǵan desek, olardyń qatarynda tóte jazýmen jaryq kórgen tarıhı basylymdar da bar. Tarata aıtar bolsaq, Ybyraı Altynsarınniń qazaq tilinde oqý úshin jazǵan «Maktýbat» hrestomatııasy (bul 1899 jyly shyqqan, ekinshi basylym), 1907 jyly Qazanda basylyp shyqqan S. Kóbeevtiń «Saryarqanyń kimdiki ekendigi» áńgimesi, Ahmet Baıtursynovtyń 1906, 1907 jyldary Semeı baspahanasynan shyqqan «Til quraly», 1922 jyly Táshkentte basylyp shyqqan Oqý quraly, 1926 jylǵy «Til tanytqysh» kitaby, 1900 jyly Qazan qalasynan shyqqan «Birjan sal men Sara qyzdyń aıtysy», 1922 jyly Tashkent qalasyndaǵy Túrkistan memlekettik baspasynan shyqqan Mirjaqyp Dýlatovtyń birinshi deńgeıge arnalǵan esep quraly, taǵy basqa kóptegen qundy muralar bar.
QR Kitap palatasynyń statıstıkalyq málimetteri boıynsha, boıynsha Baspasóz muraǵat qoryna 1899 jyly 7 atalymmen kitap jáne kitapshalar kelip túsken. 1900-shi jyly 2 kitap, 1901-shi jyly 8 kitap, osylaısha 1923 jylǵa deıingi kórsetkish 50-ge deıin jepegen. Al 1924 jyly bul kórsetkish birden 142 atalymǵa ósken. Osylaısha, 1941- 1945 jyldarǵa deıin únemi ósý ústinde bolǵan. Tek soǵystan keıingi 46-47 jyldary kút tómendep 214-206 atalymǵa tómendegen. Kitaptar men kitapshalar sany birtindep óse otyryp, 1954 jyly ǵana myńnan asyp, dálek aıtsaq 1159 atalymǵa jetken. Osy kitaptardyń taralymy 14260 danany kórsetken.
1937 jyly Kitap palatasy resmı túrde qurylǵan kezinde baspasóz muraǵatynda 5328 taralymmen shyqqan 408 atalym kitap tirkelgen.
ALMATY
