Áńgime barysynda Erlan Qýanyshuly Shymkent qalasynyń ekonomıkalyq damýy men ınvestısııalyq áleýeti týraly málimdedi.
«О́zińizge málim, Memleket basshysy Qasym-Jomart Toqaev Pekınde ótken Qazaqstan-Qytaı Iskerlik keńesiniń altynshy otyrysynyń ashylýynda Qytaı Qazaqstannyń eń iri syrtqy saýda jáne ekonomıkalyq áriptesteriniń biri ekendigin aıtqan bolatyn. Osy baǵyttaǵy jumystardy jandandyrý úshin óndirisi men ınfraqurylymy damyp kele jatqan megapolıske sheteldik ınvestorlardy shaqyramyn. Sebebi, Uly Jibek jolynyń boıynda ornalasqan iri tranzıttik dálizderi bar Shymkentte ınvestorlar úshin qolaıly jaǵdaı jasalǵan. Sondyqtan biz túrli baǵytta áriptestik ornatýǵa nıettimiz jáne daıynbyz», dedi qala ákimi.
О́z kezeginde elshi Chjan Sıao Elbasy Nursultan Nazarbaevtyń eki memlekettiń dostyq qarym-qatynasyn nyǵaıtýǵa qosqan zor úlesi men úlgili sara jolyn ári qaraı jalǵastyrý qajet ekenin jetkizdi. Sondaı-aq, elshi ınvestorlarǵa qatysty aıtylǵan pikirmen kelisetindigin jáne osy baǵytta jumystar atqarylatyndyǵyn aıtty.
Jıyn sońynda qala basshysy bul kezdesý ekijaqty mádenı, bilim, áleýmettik ekonomıkalyq salanyń damýyna septigin tıgizerine senim bildirdi.
