Saltanatty keshke Qurmanǵazy atyndaǵy Qazaq ulttyq konservatorııasynan Dana Roselbaeva jetekshilik etken shákirtteri kelip, óner kórsetti.
Kesh barysynda qazaqtyń halyq áni «Gaýhartas» pen L. Hamıdıdiń «Bulbul» ánderin Qurmanǵazy atyndaǵy Qazaq ulttyq konservatorııasynyń 2 kýrs stýdenti, «Ermek Serkebaev atyndaǵy Qazaq óneri men mádenıetin qoldaý» qorynyń ókili jáne stıpendıaty, Bıbigúl Tólegenova atyndaǵy H shy halyqaralyq baıqaý jeńimpazy Madına Orazbaı oryndasa, halyq áni «Surshaqyz», A. Gýrılovtiń «I skýchno ı grýstno» ánderin 2 kýrs stýdenti, respýblıkalyq jáne halyqaralyq konkýrstardyń jeńimpazy Jandarbek Erkınbaev, al N. Tilendıevtiń «Aq shaǵala», D. Kabalevskıı «Vesna» ánderin 2 kýrs stýdenti, respýblıkalyq olımpıadalar men konkýrstardyń laýreaty Merýert Ýálı, N. Tilendıevtiń «Jan sáýlem», S. Rahmanınovtyń «Kak mne bolno» ánderin 2 kýrs stýdenti, respýblıkalyq jáne halyqaralyq konkýrstardyń laýreaty Amanbaı Nurǵalym, N. Tilendıevtiń «Qarlyǵash týraly án», M. Tólebaevtyń «Baqyt valsi» ánderin Qurmanǵazy atyndaǵy 2 kýrs stýdenti, respýblıkalyq jáne halyqaralyq konkýrstardyń laýreaty Abreıım Azıza oryndap, oqyrmandardyń yqylasyna bólendi.
Merekelik keshinde kitaphana dırektory Ashat Baıuzaqov kelgen qonaqtarǵa alǵys bildire otyryp, Bıbigúldeı qazaqtyń ánshi qyzynyń ǵajaıyp ánderin oryndaǵan Qurmanǵazy atyndaǵy Qazaq ulttyq konservatorııasynyń ujymyna, ánshilerine úlken alǵysyn bildirip, ónerpazdarǵa kitaphana atynan Alǵys hat tabys etti.
О́ner jáne sport ádebıetteri bóliminiń qyzmetkeri Nazym Mombekovanyń aıtýynsha, kitaphana oqyrmandaryn osyndaı ádemi keshtermen qýantyp otyrý dástúrge aınalǵan. Aınalasynan meıirimdilik pen qamqorlyqty kútetin zaǵıp jandar úshin kitaphanadaǵy árbir shara qýanysh pen shattyq syılaıdy.
