Osylaısha 2018 jyly Avstrııadan sharap eksporty burynǵy rekordty jańartty. Eksportqa 170,3 mln eýro somasyna 52,6 mln lıtr sharap jiberildi. О́tken jylmen salystyrǵanda eksportqa sharap óndirý kóleminiń ósýi 10,5%-dy qurady, sondaı-aq aınalym 6,9% ósti. Eksporttyq sharaptyń jartysyna jýyǵy kórshiles Germanııaǵa satyldy, shamamen 12%-y Shveısarııa men Lıhtenshteın eksportyn qurady, avstrııalyq sharaptyń 8,5%-y AQSh-qa jiberildi, 6,4%-y Nıderlandyǵa jáne 3,1%-y Ulybrıtanııaǵa jóneltildi. Qazaqstandyq someleniń pikiri boıynsha, Avstrııa sharaptary bizdiń elimizde sándi bolyp keledi – olar barlyq sharap býtıkterinde kezdesedi, túrli tanymal meıramhanalar olardy sharap kartasyna qosyp otyr.
– Biz Avstrııada jergilikti sharap jasaýshylardyń jetistikterin maqtan tutamyz. Ishki óndiristiń ózinde 15 jyl ishinde sharap salasy avstrııalyq eksporttyń mańyzdy tarmaqtarynyń birine deıin ósti, ol avstrııalyq mýzyka jáne ınjenerlik ǵylymmen tanymaldyǵy boıynsha básekelesedi. Avstrııalyq sharaptardyń eń úzdik úlgileri búginde búkil álem boıynsha, sonyń ishinde Qazaqstanda da kórsetilgenine qýanyshtymyn,- deıdi Qazaqstandaǵy Avstrııa Elshiligi saýda bóliminiń basshysy Rýdolf Taler.
