Qazaqstan Respýblıkasy Parlamenti Senatynyń Tóraǵasy, Álemdik jáne dástúrli dinder kóshbasshylary sezi Hatshylyǵynyń basshysy Qaırat Mámı Máskeý jáne búkil Reseı Patrıarhy Kırıllge Rýstiń shoqynýynyń 1025 jyldyǵyna oraı quttyqtaý joldady, dep habarlady Parlament Senatynyń baspasóz qyzmeti.
«Bul mereıtoı bizdiń elderimizdegi rýhanııattyń jandanýy, adamdardyń óz tól dúnıelerine, mádenıet pen adamgershiliktiń baı muralaryna bet burǵan kezeńge tuspa-tus kelip otyr», delinedi quttyqtaýda.
Q.Mámı Patrıarhtyń dinaralyq ózara túsinistik pen tózimdilikti nyǵaıtý, jastardy tárbıeleý, adamdardyń rýhanı baıýyndaǵy jeke kúsh-jigerin atap ótti.
